Sanna Marin roih muailman nuorimakse piäministrakse: ”Nikonzu en ole duumainnuh iččeni igiä libo sugupuoldu”

Enne Sanna Marinan valličendua nuorin piäministru oli Ukrainan Oleksii Hončaruk.

Yle Uudizet karjalakse
 SDP:n pääministeriehdokkaaksi valittu Sanna Marin kukkakimpun kanssa valinnan jälkeen SDP:n puoluevaltuuston kokouksessa Helsingissä 8. joulukuuta 2019.
Sanna Marinas tulou Suomen kaikkien aijoin nuorin piäministru.Vesa Moilanen / Lehtikuva

Konzu parluamentu iänestäy Sanna Marinan piäministrakse, roih 34-vuodehizes poliitikas vikse muailman nuorin ruadai piäministru. Nygöi muailman nuorin valdivonpiämies on Ukrainan piäministru Oleksiy Hončaruk(siirryt toizeh palveluh),35, kudai sai omassah virran oraskuul.

Sanna Marinas roih sežo Suomen histourien nuorin piäministru. Enne händy tiittulu kuului keskustan Esko Ahole, kuduas tuli piäministru 36-vuodehizennu. Marin vastai omassah igiä koskijah kyzymykseh kerras iänestystuloksien tulduu Pikkuparluamentas Helsingis:

– Vastuan yhtenjytyi, kui tässägi olen vastannuh. Iče ikonzu en ole duumainnuh omua igiä engo ni sugupuoldu, ga olen ajatelluh niilöi dieloloi, kudamien täh olen tulluh poliitiekkah, da niilöi dieloloi, kudamien täh olemmo valličuksis suannuh luottamuksen, sanoi Marin.

Nimittumua virrallistu luvetteluo nuorimis valdivonpiämiehis libo piäministrois ei ole, ga Marinan da Hončarukan jälles nuorimih kuulutah Pohjas-Korein johtai Kim Jong-Un (36 vuottu), El Salvadoran prezidentu Nayib Bukele (38 vuottu) da Uvven-Zelandien piäministru Jacinda Ardern (39 vuottu).

Sanna Marinista tulee maailman nuorin istuva pääministeri: "En ole ikinä ajatellut ikääni tai sukupuoltani"