Akku on vaimo – uvves kniigas kižatah karjalan da suomen hairiehvedäjil sanoil

Karjalan Kielen Seuru on jullannuh kaksi uuttu karjalankielisty kniigua.

Yle Uudizet karjalakse
Opi, opastu, ga älä öntästy -sanaston kansi.
Jouki Väinämö / Yle

Karjalan Kielen Seuru on piästänyh ilmah kaksi uuttu karjalankielisty tevostu.

Enzimäine tevos on Sanna Hukkazen da Inkeri Aulan palkitun Mečänpeitto-sarjukuva-al’boman karjalankieline kiännös, kuduan on luadinuh Aleksi Ruuskanen.

Toizen tevoksen nimi on Opi, opastu, ga älä öntästy – Ellendännöygo suomelaine karjalastu putilleh? Kniigah on kerätty karjalan da suomen mugasanottuu hairiehvedäjiä sanua da virkehty. Nengomat sanat da virkehet ozutetahes yhtenjyttymikse libo läs yhtenjyttymikse, ga merkitäh kielis eri dieluo. Juuri sendäh voitgi öntästyö, et tiedäne ezimerkse, gu livvinkarjan akku on suomekse vaimo libo äijän on paljon.

Mollembien kniigoin julguandupruazniekku piettih Päivännouzu-Suomen yliopiston Jovensuun kampuksel kolmanpiän 11.talvikuudu.

Vaimo on akku – karjalankielisessä teoksessa leikitellään suomen ja karjalan niin kutsutuilla riskisanoilla