Korgeisuaren kondiet nikui ei voidu uinota – jälgimäi mendih muate kuudu myöhembä

Tavan mugah Korgeisuaren kondiet uinotah talvekse kylmykuun puolivälissäh da havačutah tuhu-kevätkuun vaihtos.

Yle Uudizet karjalakse
Korkeasaaren karhut kävivät talviunille kuukauden myöhässä
Korgeisuares eläy kaksi kondiedu: vuvvennu 2001 Ähtäris roinnuh emäkondii da hänen vuvvennu 2006 roinnuh emäččypoigaine. Zooparkan mugah kondiet nävöl ollah läs yhtenjyttymät, ga heijän ičenviendäs on eruo. Ezimerkikse nuorembi kondii on hyvä uidamah, ga emäččy suvaiččou vaigu kualua.Mari Lehmonen / Korkeasaari

Korgeisuaren kondiet ollah uinottu talvekse kuudu myöhembä, migu tavan mugah, nenga sanotah zooparkas.

Korgeisuaren mugah Korkeasaaren mukaan(siirryt toizeh palveluh) (siirryt toiseen palveluun) 18- da 13-vuodehizet kondiet tässäh ollah vaigu nukuttu istujes omassah talvipezien ies, ga yhtelläh ei muattu.

Tavan mugah Korgeisuaren kondiet ollah uinottu talvekse jo kylmykuun puolivälissäh.

Korgeisuaren imettäjien elättilöin kuruattoru Hanna-Maija Lahtinen pidäy tovennägözenny sidä, gu kondieloin uinuondu hätkestyi siän täh.

Lahtizen mugah yksi kondielois jo oppi uinota, ga havačui sit syömäh. Kondieloile pidäy syvväkseh putilleh enne talviundu.

Elättilöin hoidajat oldih kannustettu kondieloi uinuomah salbuamal ulgozooparkan veriät. Jälgimäi kondiet oldih astuttu omih talvipezih, kudamien sydämes kai oli luajittu heijän neniä myöte, nenga sanotah Korgeisuares.

Korkeasaaren karhut kävivät talviunille kuukauden myöhässä
Eigo niyhty väzytä? Korgeisuaren kondiet nukuttih omien pezien ies, ga eibo muattu. Mari Lehmonen / Korkeasaari

Kondieloile mieldy myöte rodih pezäs puukuivikeh-materjualu. Ezimerkikse mulloi taritut havvunoksat da sammal ei päitty: kondiet lykättih net pezäspäi iäres.

Korgeisuares kondiet puaksuh ollah uinottu tuhu-kevätkuun vaihtossah. Mennyt keviäl hyö havačuttih yhtelläh jo tuhukuun allus.

Korkeasaaren karhut kävivät talviunille kuukauden myöhässä
Korgeisuaren mugah elättilöin hoidajat ollah pietty huoldu sit, gu kondiet sygyzyn aigua kerättäs iččeh enämbän razvua.Annika Sorjonen / Korkeasaari

Talven aigua kondiet voijah havaččuo kiändymäh toizele bokale libo juomah vetty. Korgeisuares kondieloin unes pietäh huoldu pidämäl pezän lämbötilua tazazeh viluhkonnu. Ikkunoih on pandu pimendyszanavieskat.

Korkeasaaren karhut eivät malttaneet käydä talviunille, vaan nuokkuivat istualtaan – lopulta kontiot kömpivät pesiinsä kuukauden myöhässä