Terväh voit ilmoittuakseh Paimoinedälilöih: piäzet lehmien paimoikse Kolile

Meččyhalličuksen Paimoinedälilöih voit ilmoittuakseh pakkaskuun keskivälis. Paimoit piästäh nedälikse luondoh pidämäh huoldu žiivatois.

Yle Uudizet karjalakse
Ihmisiä syöttää lammasta.
Pereh syöttäy lammastu Oulujärven Ärjänsuares, kudai oli mulloi uvvennu paimenduskohtannu.Harri Tarvainen / Metsähallitus

Meččyhalličuksen Paimoinedälilöih, kudamat äijile ollah roittuhes mieldy myöte, voit ilmoittuakseh lähinedälilöin aigua. Vallittavannu on 15 eri kohtua. Uvvennu kohtannu on Punkaharjun palovardoiččijan taloi.

Pohjas-Karjalas tarittavannu on Kolin kaksi kohtua: voit lähtie lehmien paimoikse Lakkalan libo Seppälän tiloile.

Paimoin ruavonnu on eliä mökkizes libo tilal, työndiä žiivatat niityle da pidiä huoldu niilöin vien da syömizen suamizes.

Erähih kohtih paimoi voibi ottua keräle dovarišan libo perehen.

Paimoinedälit ollah maksollizet. Paimoinedälilöin dengat käytetäh luonnonhoidoh da kohtien kunnospidämizeh niškoi.

Voit ilmoittuakseh paimoikse pakkaskuun keskivälis luontoon.fi(siirryt toizeh palveluh) (siirryt toiseen palveluun)-verkosaital. Paimoit vallitah ilmoitannuzien joukos tuhukuun aigua.

Paimendamine äijile on eričykselline kezäkogemus, ga yhtelaigua se on tärgei kohtien luonnonhoidoh kuului ruado.

Paimenviikkojen haku avautuu lähiviikkoina: Kolille voi päästä lehmipaimeneksi