Saimuann’orpih niškoi luajitah abukivoksii, roinnou sih mahtuo – Jiädy pidäs olla vähimyölleh 15 santimetrii

Saimual ei ole jiädy eigo ni lundu. Abukivoksis on olluh n’orpale hyödyy.

Yle Uudizet karjalakse
Saimaannorpan kuutti hiekalla
Petri Vironen / Yle

Saimuann’orpih niškoi tahtotah luadie abukivoksii, ga se rippuu siäs. Kivoksien azundua ei voija algua, sendäh gu Meččyhalličuksen mugah ni jiädy, ni lundu ei ole, da mostu pahua tilandehtu ei vie ole nähty kaiken nellikymmenvuodizen saimuann’orpankannan kačondan aigua.

Omatahtozet kivoksien luadijat yhtelläh oldas valmehet ottamahes ruadoh, roinnou sih pädijiä ilmua. Jiädy vuotettas pezäkohtile enäm 15 santimetrii, sit vaste ruandu sie olis turvalline.

– Vie ni täl nedälil ei puutu luadie abukivoksii. Nygöi nikus Saimual eule lundu eigo ni putillistu jiädy kai Pohjas-Saimual, nenga sanelou vardoičusbiologu Jouni Koskela Meččyhalličuksespäi.

Abukivoksis on olluh hyödyy. Vuozien 2014–2018 aigua luajittuh piäl tuhandeh kivokseh rodih 264 n’orpanpoigastu.

Pezät suojatah poigazii. Suadaneh emän’orpat avvonazele jiäle, ga sit poigazien kuolendulugumiäry voibi nosta 30–50 prosentassah roinnuzis. Pezih roinnuzien kuolendulugumiäry on al 10 prosentan imetändyaigua.

Saimaannorpille kolataan apukinoksia jos sää vain sallii – Jäätä oltava vähintään 15 senttiä