Elätgo Savos libo Karjalas? Päivännouzu-Suomen yliopisto tahtos tiijustua, midä mieldy olet Savonlinnan kul’tuurupiälinnuprojektah näh

Kyzelytutkimuksen tavoittehennu on sellittiä ezimerkikse kui savolazien da karjalazien ajatukset Saimuan aloveheh näh erotah toine toizes.

Yle Uudizet karjalakse
Ilmakuva Olavinlinnasta.
Olavilinna on Savonlinnan kuulužin nähtävysEsa Huuhko / Yle

Muga sanotun Suur-Saimuan da sen lähäl olijoin alovehien eläjil kyzytäh, midä mieldy hyö ollah Savonlinnan kul’tuurupiälinnuprojektah näh.

Nelli alovehen muakundua, Suvi- da Pohjas-Savo sego Suvi- da Pohjas-Karjala tahtottas, gu Savonlinna vallittas Euroupan kul’tuurupiälinnakse vuvvele 2026.

Päivännouzu-Suomen yliopisto on avannuh internettah alovehen eläjih niškoi kyzelyn.(siirryt toizeh palveluh) (siirryt toiseen palveluun)

Tavoittehennu on tiijustua paiči muudu, midä rahvas duumaijah kul’tuurupiälinnuprojektah näh, kui savolazien da karjalazien ajatukset Saimuan alovehes erotah toine toizes da midä ristikanzat ajatellah omah eländykohtah näh.

Vastavuksii ruvetah käyttämäh avukse kul’tuurupiälinnuprojektan pakičuksen luajindas. Enzimäzen vaihien pakičuskirju annetah opastus- da kul’tuuruministerstvale oraskuul.

Lopulline piätös tiitulan suajas luajitah kezäl 2021. Euroupan vuvven 2026 kul’tuurupiälinnakse tahtottas suaja Savonlinnan ližäkse sežo Tambere da Oulu.

Kyzelyh voit vastata 7. tuhukuussah. Linkan kyzelyh lövvät sežo Saimua-ilmivö 2026 -kampuanien Facebook-saital.

Kyzelyn todevuttau Päivänouzu-Suomen yliopiston kaupputiedoloin laitoksen matkailualan opastus- da tutkimuskeskus.

Asutko Savossa tai Karjalassa? Itä-Suomen yliopisto haluaa tietää, mitä mieltä olet Savonlinnan kulttuuripääkaupunkihankkeesta