Tämä pakkaskuu oli rajal mullostu raviembi

Niiralas liženi enne kaikkie ven’alazien rajanylittäjien miäry verraten mennyt vuvven pakkaskuun miäräh.

Yle Uudizet karjalakse
Autoja jonottamassa Niiralan rajanylityspaikalla.
Jono Niiralan rajanylityskohtas pakkaskuul 2009.YLE / Ari Haimakainen

Tohmajärven Niiralan rajanylityskohtas vuozi 2020 on alganuh raviezeh.

Pakkaskuul Niiralas piettih 96 075 rajatarkastustu. Rajanylityksien miäry liženi mennyt vuvven samazeh aigah verraten läs 12,5 prosental.

Enne kaikkie suureni ven’alazien rajanylittäjien miäry. Pakkaskuul heidy oli 52 330, mi on piäl 9 000 enäm, migu mennyt vuon pakkaskul.

Pohjas-Karjalan rajavardoicčijat kiännytettih rajalpäi kaheksa hengie. Kaksi heis sai miäryaigazen muahtulendukiellon.

Lieksan Inarin miäryaigazen rajanylityskohtan kauti pakkaskuul kulgi 335 hengie.

Tammikuu oli rajalla viimevuotista vilkkaampi