Yskyniekoin kaduomine on paha dielo pienien kundien školile – Luhangas Keski-Suomes mulloi ei roinnuh ni yhty lastu

Kundu kuččuu uuzii školaniekkoi rinnal sijaiččijois kunnispäi da joga vuottu maksau tuhat euruo yskyniekkudengua kymmen vuvven aijan.

Yle Uudizet karjalakse
Oppitunti vauhdissa Luhangan koulussa, oppilas viittaa.
Luhangan školah tulou školaniekkua nellän kunnan alovehelpäi.Jarkko Riikonen / Yle

Heini Seppälä da Peetu Lämsä ollah alaškolaniekat Luhangan ainavos školas, kus kaikkiedah opastuu nenga 45 lastu.

Seppälän kodi sijaiččou susiedukunnas Hartolas da hänelleh Luhanka on lähembi, migu Hartolan škola.

– Pienes školas on parem, migu suures.

Lämsä omas puoles löyhkäy, gu Luhangan školas terväh suat dovariššua da uvves školas on hyvät tilat.

700 eläjän Luhanka on manner-Suomen pienin kundu. Eläkkehel olijua on äijy, lastu vähä, ga vuvvennu 2017 srojittu škola on ylen hyvä.

– Meile tulou školaniekkua Jyväskylän Putkilahtespäi, Hartolaspäi da Joutsan Pappizispäi oman kunnan ližäkse, sanou johtaiopastai Leila Qvist-Pettersson.

Školan opastujis läs 30 on Luhangaspäi da muut tullah rinnal sijaiččijois kunnispäi.

Luhanka piätti nostua uvven školan kunnan agjukyläh Tammijärvele, kunne matkua Luhangan keskučaspäi on nenga kymmene kilometrii.

Luhangan kunnanjohtai Tuomo Kärnä perustelou uvven školan sijaičendua sil, gu nenga kebjiembäh suajah opastujii susiedukunnispäi.

– Tämä on oigei seuduškola. Školaniekkua suammo nellän kunnan alovehelpäi, da nenga sit škola pyzyy pystyi da raviennu hätkembän, sanou Kärnä.

Luhangan kunnanjohtaja Tuomo Kärnä uuden koulurakennuksen edustalla.
Luhangan kunnanjohtai Tuomo Kärnä.Jarkko Riikonen / Yle

Susiedukundien školaniekkoi tarvitahgi, sendäh gu mulloi Luhangah ei roinnuh ni yhty lastu.

– Mennyt vuon tovengi ei roinnuh ni yhty yskyniekkua. Piemmö sidä välivuvvennu, sendäh gu tänä vuon lastu roih, sanou Kärnä.

Johtaiopastajan Qvist-Petterssonan mugah tulien opastunduvuon Luhangan školah tulou tovennägözesti 10 uuttu eziškolaniekkua.

– Ennustehien mugah sen jälles Luhangas rodivuu joga vuottu yhtes kolmessah lastu.

Luhanka ei ole yksi moine probliemahine. Suomes on läs 40 kundua, kus joga vuottu roih vähem kymmendy lastu. Keski-Suomes nengostu kundua on viizi.

Opastusministran Li Anderssonan mugah Opetusministeri Li Anderssonin mukaan (siirryt toizeh palveluh)(Iltalehti) (siirryt toiseen palveluun) joga kundah ei vältämättäh ni jiä perusškolua. Häi kehoittaugi kundii yhtesruadoh opastuksen organizuičendas.

Joga vuottu Luhangan kundu andau jogahizes roinnuos lapses tuhat euruo yskyniekkudengua kymmenen vuvven aijan libo toizin sanoin kaikkiedah 10 000 euruo.

Vahnembat pietäh kunnan taričustu ylen pozitiivizennu dielonnu.

Kunnanjohtai vie ei malta sanuo, kui mulloi sygyzyl taritut dengat on otettu vastah.

– Vie ei nävy, kui hyvin se vois vaikuttua, sanou Kärnä.

Vauvakato uhkaa pienten kuntien kouluja – Luhangassa Keski-Suomessa ei syntynyt viime vuonna yhtään vauvaa