Karantiinat koronaviirusan täh terväh loppietahes: suurin vuitti piäzi iäres

Eristyksespäi piässyzil ei olluh viirusantartundua. Heijän karantiinu loppih kaksi nedälii kestänyön viirusale herkenemizen jälles.

Yle Uudizet karjalakse
Lapin keskussairaalan kyltti talvella
Maija-Liisa Juntti / Yle

Läs kai koronaviirusale herkestynnyöt ollah piästy karantiinaspäi Lapis. Eristys loppih ezmässargen kymmenel da nedälinlopul kahtel hengel. Karantiinas oli rahvastu Rovaniemel da Inaris.

Kaksi Lapin voimattomanhoidopiirin ruadajua on vie tossargessah karantiinas kois.

Lapin keskusbol’ničan infekciiliägäri Markku Broas sanou, gu eristyksespäi piässyzil ei olluh viirusantartundua. Heijän karantiinu loppih pluanan mugah kaksi nedälii kestänyön viirusale herkenemizen jälles.

– Vuitil herkestynnyzis varakse on otettu näyttehet, ga niilöin tulokset oldih negatiivizet.

Suomen tässäh ainavo lujendettu koronaviirusantartundan suannuh voimatoi piäzi Lapin keskusbol’ničaspäi mennyt nedälil kolmanpiän.

– Ližiä tartundua ei ole roinnuh. Nedälinlopul tilandeh koronaviirusan kohtal oli Lapis rauhalline, sanou Broas.