Linnu tahtou laukkukeskuksen čupule suuremban luonnonvardoičusalovehen – Kouvolan Niivermäin aloveh levenis 15 hehtuaral

Niivermäin luonnonvardoičusaloveh sijaiččou Veturi-laukkukeskuksen lähäl.

Yle Uudizet karjalakse
skog
METSO-programmas luonnonvardoičus perustahes muanomistajien omatahtožuoh. Arhiivukuva.Tiia Lillkvist/ Yle

Kouvolan linnu tahtou suurendua Niivermäin luonnonvardoičusalovehtu. Niivermäin levendämisty ehoitetah METSO-programman mugah luajitukse luonnonvardoičusalovehekse.

Hyväksynnöy linnan tehnine komissii nečen ehoituksen, sit Niivermäin luonnonvardoičusaloveh levenöy tävvel 15 hehtuaral läs 46 hehtuarassah.

METSO-programmas luonnonvardoičus perustahes muanomistajien omatahtožuoh. Linnu suau alovehen vardoičukses 95 000 euron korvavuksen.

Niivermägi on ylen suvaittavu lähäine luondokohtu, kus löydyy paiči muudu rabakivikallivuo da vahnua kuuzikkuo.

Aloveh algau Veturi-laukkukeskuksen čupulpäi, da sie menöy luondotroppu kaksi kilometrii piduhuttu. Levendettäväkse ehoitetule alovehele ei planiiruija nimittumua srojimistu, se jiäs vai luonnontilakse.

Kouvolan linnu omistau läs 3 900 hehtuarua meččiä. Mečis roih Niivermäin levendämizen jälles vardoittu vähästy vähem kuuttu prosentua.