Viijen vuvven viizat Suomeh ollah mieleh ven’alazile – pakičuksien miäry on äijäl suurennuh

Täl kuul ven’alazile on ruvettu andamah Suomi-viizua viijekse vuottu. Viizupakičuksien miäry on nossuh viijesvuitil mullozeh verraten.

Yle Uudizet karjalakse
Venäläisiä ostamassa juustoa kaupan kassalla.
Ven’alazet ollah allettu pakita viizua Suomeh aijembua raviembah sen jälles, konzu tuhukuun allus otettih käyttöh viijen vuvven viizat.Tommi Parkkinen / Yle

Ven’alazien viizoin suandu Suomeh kebjenöy.

Tuhukuus algajen Suomi da muut Šengen-muat ollah ruvettu andamah viizua viijekse vuottu.

Viijen vuvven viizan suau moine ristikanzu, kudual on aijemba olluh vähimyölleh kahten vuvven viizu, eigo händy ole sen voimasolenduaigua viäritetty nimittumis rikoksis da ei häi ole suannuh ni yhty štruaffuu.

Suomen Piiterin piäkonsul’stvan viizuyksikön piälikön Anneli Nummelinan mugah muutos on ližännyh viizupakičuksien miäriä. Täl kuul pakičustu on jätetty jo 35 000, mi on viijesvuittii enäm, migu mulloi samazel aigua.