Prezidentu Niinistö kävyy Lappih da Pohjas-Pohjanmuale kevätkuul

Prezidentu čökähtähes Iih, Sodankyläh da Inarih.

Yle Uudizet karjalakse
President Sauli Niinistö håller tal under FN:s klimatmöte i New York.
Tazavallan prezidentu Sauli Niinistö kävyy kolmele pohjazele paikkukunnale.Reuters-tv

Tazavallan prezidentu Sauli Niinistö kävyy Lappih da Pohjas-Pohjanmuale 5.–6. kevätkuudu 2020.

Matku algau nellänpiän 5. kevätkuudu Iis, kus prezidentu vastavuu kunnan evustajien da paikallizien školaniekoin kel. Pagin roih paiči muudu Iin tunnustustu suannuos ilmastoruavos.

Sen ližäkse Niinistö vastavuu kunnan eläjienke 10.30 aigah Iin uvves liikundukeskukses.

Iispäi prezidentu Niinistö matkuau Sodankyläh. Programmas on käyndy Sodankylän kosmossukampuksele Tähteläs, kus prezidentu tuttavuu Sodankylän geofiiziekan observatourieh, Ilmutiijon laitoksen Arktizeh kosmossukeskukseh sego vastavuu Sodankylän kunnan evustajienke. Ehtypäiväl prezidentu Niinistö ottau ozua Suomen enzimäzen eloikuarimallin mugah luajitun sociali- da tervehyskeskuksen, Hyvinvoindukeskuksen Sopukan, pruazniekallizih avuajazih da vastavuu kunnan eläjienke Sopukan pihas 15.30 aigah.

Piätteniččän 6. kevätkuudu prezidentu Niinistö menöy Lemmenjovele Inarih, kus vastavuu Saamelazien suvvon, Kol’tien kyläkerähmön da Inarin kunnan evustajienke. Sen ližäkse prezidentu Niinistö tuttavuu saamelazien kul’tuurah da poronhoidoh Palton tilal da muastos.

Presidentti Niinistö vierailee Lapissa ja Pohjois-Pohjanmaalla maaliskuussa