Järvilöin vienpinnat erähis kohtis ollah korgiembal migu konzutahto enne

Erähien järvilöin kačonduazemil on nähty vienpinnan korgevuttu piäl suan vuvven aijan.

Yle Uudizet karjalakse
Ilmakuvassa jäinen Saimaa Savonlinnan pohjoispuolella.
Saimuan vienpindu on jatkanuh nouzendua juoksutuksih kaččomattah.Jarkko Riikonen / Yle

Järvilöin vienpinnat ollah täh aigah ylen korgiel Suvi-Savos. Äijil järvilöil terväh roih miäriändyhistourien korgevin vienpindu.

Tuhukuul röččäi libo vihmui tavanmugastu enäm, da sendäh vezi on jatkanuh nouzendua.

Suvi-Savos ennustetah vähimyölleh Puulan viennouzendua tavanmugastu korgiembale. Yhtenjytyi Saimuan vezi nouzou tavallistu korgiembale kaččomattah juoksutuksien miärän ližiändäh.

Korgieloin vienpinnoin täh keviälline viennouzendu roih äijiä suurembi. Viennouzendu voibi vahingoittua ezimerkikse randuteloi.

Lauhkien talven aigua lundu on pannuh vähän, sendäh lumensuluanduvien täh roittavas viennouzendas tänä keviän ei vuoteta suurdu. Loppukeviän vihmumiärät ozutetah, roinnougo muakunnas suurdu viennouzendua.