Karjala-palkindo kuulužale pianistale Janne Mertazele

Karjalazen Kul’tuuran Eistämisfondu andoi abudengua da avustustu puoli miljonua euruo.

Yle Uudizet karjalakse
Janne Mertanen soittaa flygeliä.
Janne Mertanen on perustannuh Jovensuun Muuzikkupruazniekku -festivualin.Siru Päivinen / Yle

Nerokas pianistu Janne Mertanen on suannuh pruazniekkuvuottu pidäjän Karjalazen Kul’tuuran Eistämisfondan Karjala-palkindon. Kul’tuurupalkindon arvo on 15 000 euruo.

Palkindo on enne tädä juattu 10 vuottu tagaperin. Silloi sen sai Lieksan Vaskiviikko.

Jovensuus eläi Mertanen kuuluu meijän muan parahih pianistoih. Hänen ruandu konsertupianistannu da pianinonsoitandan opastajannu ymbäri muailmua on jatkunuh jo 30 vuottu. Händy tundietah enne kaikkie Chopin-ezityksis.

Janne Mertanen on perustannuh Jovensuun Muuzikkupruazniekku -festivualin, kudaman taijollizennu johatajannu on häi.

Fondan 5 000 euron tunnustuspalkindon sai Lieksaspäi rodužin olii čomendustaidoilii Tarja Tuupanen.

Abudengua da avustustu tälle vuvvele fondu andoi puoli miljonua euruo.

Karjalazen Kul’tuuran Eistämisfondu on ruadanuh 70 vuottu. Fondan piäpaikku on Jovensuus.

Karjala-palkinto pianotaiteilija Janne Mertaselle