Verkokalastandan rajoitukset tullah voimah Saimual

N’orpan poigazien vardoiččemizeh niškoi miärätyt rajoitukset ollah voimas kezäkuun loppussah.

Yle Uudizet karjalakse
Saimenvikar kut på is.
Sen-tämän nedälin igähine n’orpan poigaine jiäl.EPA

Verkokalastandan rajoitukset tullah voimah Saimual kolmanpiän. N’orpan poigazien vardoiččemizeh niškoi miärätyt rajoitukset ollah voimas kezäkuun loppussah.

Verkokalastandan kielduo on pandu nenga kymmenele saimuann’orpan poigazien piäalovehele, ezimerkikse Pyhäsellän da Orivien suaristoloih sego Haugiviele, Pihl’aiviele da Suur-Saimuale.

Suomen luonnonvardoičusliiton mieles nygözet verkokalastandan rajoitukset ei turvata saimuann’orpan kannan kazvandua. Rajoituksis on vajavuttu kui alovehellizesti, aijallizesti mugai pyvvändyluavullizesti.

Liitto juohattau, gu saimuann’orpu eläy avvonazen vien aigua läs kogo Saimual.

Tutkimuksen mugah juuri nuoret n’orpat pyrritähes eländyalovehien agjoile. Agjualovehil verkokalastandan rajoitukset ollah liijan pienet libo niidy ei ole ni vouse.

Nygözet verkokalastandan rajoitukset ei koskieta ezimerkikse riäpöiverkoloi. Rajoituksien loppevundu kezäkuun lopul on viennyh sih, gu poigazii on kuolluh verkoloih keviän sijah heinykuul, tovendau luonnonvardoičusliitto.

Verkkokalastusrajoitukset astuvat voimaan Saimaalla

Uusimmat uutiset puhelimeesi

Lataa Yle.fi-sovellus