Päivännouzu-Suomen yliopiston opastujil loitoči piettävy vappu da Wappuradio

Yliopastujienkundu luadiu omale Youtube-kanualale Wappuradion nedälin aijakse.

Yle Uudizet karjalakse
Savolainen osakunta pesee Velj'mies -patsasta vappuna 2010.
Veljmies –mustopaččahan pezendy vapun aigua 2010.YLE / Sari Jormanainen

Päivännouzu-Suomen yliopiston yliopastujienkundu on muuttanuh omii vappuh liittyjii perindöllizii pidoloi loitoči piettävikse da virtualitapahtumikse.

Yliopastujienkundu luadiu oman Wappuradion, kudai rubieu ruadamah sulakuun 22. päiväs algajen vapun pruazniekkassah. Wappuradion programmua voit kuunnella yliopastujienkunnan Youtube-kanualal nenga 14–22 aigah. Programmah kuuluu paiči muudu podcastua da kižastriimua, ainehjärjestölöin da kerholoin tervehtindiä, ehtysuarnua sego paginua mielentervehyöh näh.

Perindöllizet vesselät vappusitsit sežo todevutetah loitoči. Matkailupido Savo-Karjala-ekskursii pietäh kolmanpiän 29. sulakuudu simul’uattorukižannu, kuduah voit ottua ozua koispäi.

Vappuu vaste Wappuradios roih eričyslähetys, kuduas voit kaččuo kui Jovensuun, mugai Kuopion opastujien vappuperindölöi. Eričyslähetykses roitah ezimerkikse perindöllizet lakitukset. Turvalližuon täh eričyslahetys on pandu taldeheh jo ennepäi, gu pivot ei kuhkutettas rahvastu sih kohtah pruaznuimah vappuu.

Itä-Suomen yliopiston opiskelijoilla etävappu ja Wappuradio

Uusimmat uutiset puhelimeesi

Lataa Yle.fi-sovellus