Täs on uuzi yskyniekanvakku – Kačo uvvet sobazet

Mennyt nedälil piätteniččän jullattih uuzi yskyniekanvakku, kuduah kuuluu čomua sobastu da hyviä hoidotarvikehtu.

Yle Uudizet karjalakse
laatikko ja lelu äitiyspakkaus 2020
Must’oimaido-nimine yskyniekanvakku jullattih piätteniččän.Veikko Somerpuro © Kela, Jyrki Lyytikkä / Yle

Kela on jullannuh uvven yskyniekanvakan. Sen nimi on Mustikkamaito, mi olis karjalakse Must’oimaido. Yskyniekanvakan on planiiruinnuh grafine dizaineru Ilona Partanen.

haalari ja makuupussi äitiyspakkaus 2020
Yskyniekanvakan pihakombinezonan malli da printu tänä vuon vallittih iänestyksen vuoh. Veikko Somerpuro © Kela, Jyrki Lyytikkä / YleVeikko Somerpuro © Kela, Jyrki Lyytikkä / Yle

Partanen sanou, gu häi on inspiriiruinnuhes omas lapsusaijas, kezäs da ozakkahuos.

housut äitiyspakkaus 2020
Yskyniekanvakas lövvät houzuloi, kuduat päitäh paiči muudu potkimizeh. Veikko Somerpuro © Kela, Jyrki Lyytikkä / Yle Veikko Somerpuro © Kela, Jyrki Lyytikkä / Yle

Uvves yskyniekanvakas on 56 tuotehtu, toizin sanoin se on pienembi, migu aijembinnu vuozinnu. Vakku on pyzynyh äijän vuottu yhtenjyttymänny. Tänä vuon uvvennu sit on jatkopalalline bodi.

bodyt äitiyspakkaus 2020
Kui aijembazinnugi vuozinnu yskyniekanvakas löydyy kui piän yli viettäviä, mugai kiärijen piäle pandavua bodii. Veikko Somerpuro © Kela, Jyrki Lyytikkä / YleVeikko Somerpuro © Kela, Jyrki Lyytikkä / Yle

Uvvet yskyniekanvakat pannah jagoh kerras, konzu vai endizet vakat juatah loppussah. Kelan mugah se roih oraskuul.

Luve ližiä tiemah näh Kelan yskyniekanvakkusivul äitiyspakkaussivulta(siirryt toizeh palveluh) (siirryt toiseen palveluun).

Tässä on uusi äitiyspakkaus – Katso uudet kuosit