Viizi uuttu kudžuu piäzöy kazvahuu rajakoiran ruadoloih

Pohjas-Karjalan rajavardivostol on 44 rajakoirua Ilomančis, Kidiel, Tohmajärvel da Lieksas.

Yle Uudizet karjalakse
Väiski, tuleva rajakoira, on vanhemman rajavartijan Mikko Hämäläisen sylissä.
Väiski, tulii rajakoiru, on vahnemban rajavardoiččijan Mikko Hämäläizen yskäs.Milla Holm / Yle

Pohjas-Karjalan rajavardivoston palvelukseh tänä vuon on tulluh viizi uuttu kudžuu.

Nygöi Pohjas-Karjalan rajavardivostol on 44 rajakoirua Ilomančis, Kidiel, Tohmajärvel da Lieksas.

Rajavardivomuasteri Jari Luukkanen sanou, gu koiru ližiäy ruandah ihan eričyksellisty dieluo.

– Sinä voit opastua koirua dai ruadua koiranke. Neččih koiranohjuajan ruandah kuuluu äijy midä mieldykiinnittäjiä. Se on ylen hyvä dielo tiä meil Pohjas-Karjalan čural. Tahtojua on enämbi, migu voimmo ottua. Neče ozuttau sen, gu mielenkiindo ruandah koiranke on suuri, sanou Luukkanen.

Rajakoirien ylellizin rodu on germuanienpaimoikoiru. Jari Luukkazen mugah rajakoiran ruadoaigu on nenga kymmene vuottu.

– Konzu koiran igä lähenöy kymmendy vuottu, sit jo ruvetah eččimäh uuttu kudžuu. Meile pidäy tiettäväine ottua huomavoh koiran tervehysgi, ga kymmene vuottu on moine tavanmugaine ruadoigä.

– Koirien igärakendehtu on opittu pidiä tiä vardivostos sih luaduh, gu joga vuottu olis tulemas kudžuloi, nenga kierdämine olis tazaine. Sit ei rodei mostu aigua, konzu kudžuu ei tävvy, tovendau rajavardivomuasteri Jari Luukkanen.

Enzimäzet rajakoirat allettih ruadua Suomes 100 vuottu tagaperin.

Viisi uutta pentua tassuttelemassa rajakoiran hommiin