Suvi-Savon kondiikannas ei kazvandua – tälle keviäle annettu yksi luba kondien karkoittamizeh niškoi

Kogo Suomes kondiikandu on kazvamas.

Yle Uudizet karjalakse
Karhu poikasensa kanssa.
Suvi-Savos on arvivon mugah nenga 260 piäl vuvven igähisty kondiedu.Yle, Kimmo Ohtonen

Nygöi Suvi-Savos on arvivon mugah 260 piäl vuvven igähisty kondiedu. Sen ližäkse arvivoijah, gu tänä keviän on roinnuh 50 kondienpoigua. Nenga sit Suvi-Savon kogonaine kondiikandu on vähästy enäm 300 elättii.

Mulloi kondienkuadolubua annettih muakundah rekordumiäry da kondiedu kuattih kaikkiedah 40.

Kondiet luajitah vahinguo mehilässadulois da muatiloil ezimerkikse heinyt’uukkii šelojes. Roinnou kondies probliemua miltah alovehel, se voijah karkoittua policien libo riistukeskuksen luvan suaduu.

– Tänä keviän Pieksämäile on annettu yksi luba kondien karkoittamizeh niškoi. Kondii on čonginuh alovehel jätehkohtii, sanou Suvi-Savon riistupiälikkö Petri Vartiainen.

Kogo Suomes kondiikandu karhukanta(siirryt toizeh palveluh) (siirryt toiseen palveluun) on kazvamas. Luonnonvarakeskuksen uvvemban kanduarvivon mugah kondieloin miäräkse arvivoijah nenga 2 300–2 500 elättii enne tämän vuvven mečästysaigua. Neče arvivo on läs 14 prosentua suurembi, migu ielline arvivo.

Etelä-Savon karhukannassa ei nousua – tälle keväälle myönnetty yksi lupa karhun karkoittamiseen