Ven’an Karjalas pienet školaniekat jo lähtiettih lomale koronan täh

Petroskoil ilmah piäzijäs Karjalan Sanomat -lehtes kerrotah, gu Ven’an Karjalas alaškolaniekoil algoi kezäloma Pervomaijan jälles.

Yle Uudizet karjalakse
Karjalan Sanomat kertoo oppilaiden Venäjän Karjalassa lähtevän kesälomalle koronakeväänä tavallista aiemmin.
Koronapandemien täh Ven’al alovehet voijah iče piättiä, konzu školat pietäh kezäloman.Marja-Liisa Kämppi / Yle

Koronapandemii lyhendäy školien opastunduvuottu Ven’an Karjalas.

Veres Karjalan Sanomat -lehti kerdou, gu alaškolaniekat lähtiettih kezälomale jo Pervomaijan jälles da muut opastujat piästäh lomale 25.oraskuudu.

Tavan mugah školaniekoin opastunduvuozi lopeh vaste kezäkuun allus. Nygöi alovehet iče voijah piättiä lomien algulistat.

Sen ližäkse Karjalas on tänä keviän vähendetty valdivollizii loppuekzuamenoi. Yheksäskluassalazet luajitah vai matematiekan da ven’an kielen koittehet.

Suomen luaduh Ven’an Karjalasgi koronan täh on siirrytty loittonopastundah. Karjalan Sanomien mugah hil’l’u internet da erähis kohtis sähköhizien välinehien vajavus ollah vaigevutettu verko-opastundua.

Suvi-Karjalan liiton Ven’a-kačahtuksen Venäjä-katsauksen(siirryt toizeh palveluh) (siirryt toiseen palveluun) mugah varmistettuu koronatapahtustu nedäli tagaperin (28.4.2020) oli Karjalan Tazavallas 62 eigo silloi vie ni yhty hengie kuolluh koronah.

Ven’a salbai oman ulgorajan koronaviirusan täh 17. kevätkuudu.

Venäjän Karjalassa pienet koululaiset aloittivat koronan takia jo kesälomansa

Uusimmat uutiset puhelimeesi

Lataa Yle.fi-sovellus