Päivännouzu-Suomes lumi valgai muan

Kevätilmu terväzeh vaihtui Päivännouzu-Suomes talvi-ilmah, konzu rodih vilu da rubei lundu panemah.

Yle Uudizet karjalakse
Lumisade peitti keväisen luonnon uudelleen lumeen 11. toukokuuta.
Tossargen huondeksel 12. oraskuudu Pohjas-Karjalas mua oli valgei. Lundu pani Päivännouzu-Suomes nenga kahtes kymmeneh santimetrih sah. Kuva Liberis.Marja-Liisa Kämppi / Yle

Egläzen jyttyine lumenpano Päivännouzu-Suomes täh aigah on harvinaine dielo.

Muamoloinpäivänny 14. oraskuudu vuvvennu 1995 pani lundu Suvi-Suomes da syväinmuas nenga 10–20 santimetrii.

Ylen meteoroulogan Seija Paasozen mugah oraskuul voibi panna lundu, ga yhtelläh mostu tapahtuu harvah.

– Ezmässargen ilmu oli eriluaduine vie sendäh, gu Päivänlasku- da Päivännouzu-Suomen keskes siärindamien välil vallas oli ylen terävy lämbötilaraja, tovendau Paasonen.

Päivännouzučuras Lappeenrannas miärättih läs 20 lämmiä (+18,7), konzu samazel aigua päivänlaskučuras jo pani lundu.

Ehtypäiväl ilmu vilustui päivännouzučurasgi ylen ruttoh.

Ehtän aigua ezimerkikse Lieksas lundu pani 9, Varkaukses 7 da Rauduvuaral 15 santimetrii.

Päivännouzurajal Ilomančis lundu tuli nelli da Tohmajärven miäriändyazemal kaksi santimetrii.

Lumi peitti Itä-Suomessa jo keväisen maiseman

Uusimmat uutiset puhelimeesi

Lataa Yle.fi-sovellus