Norppalives kimpuičendua – kaksi n’orpua torai armahas virundukives

WWF:n mugah neče tora on jo toine tänä vuon.

Yle Uudizet karjalakse
Saimaannorppa Saimaan Haukivedellä Linnansaaren kansallispuistossa.
Saimuann’orpu Saimuan Haugiviel Linnansuaren kanzallispuustos. Kuvituskuva.Ismo Pekkarinen / AOP

Saimuann’orpua ymbäri suutkis kaččojah Norppalive-kamerah pyhänpiän ehtäl panihes taldeheh kahten n’orpan kimpuičendu.

Norppalive-saitua pidäjän luonnonvardoičusjärjestön WWF:n mugah emäččyn’orpu oli ehtinyh viruo-laškistellakseh kameran ies olijal kivel jo čuassuloi enne toizen n’orpan tulendua sinne. Videos nägyy, kui tulluh n’orpu tartuu emäčyn tagaeväh hambahil. Emäččy oppiu piästä kimpuiččijas iäres, da tora jatkuu jo vies.

Vezi läikkyy sen-tämän minuutan aijan, kuni n’orpat ei alevuta. Vikse toine lähtöy sit iäreh, sendäh gu kiven evustal nägyy vaigu yksi puolekse pinnal olii n’orpu.

WWF:n mugah neče tora on jo toine tänä vuon. Aijemba moizen ozutelman olet voinnuh nähtä nedäli tagaperin. Silloi Päivännouzu-Suomen yliopiston tutkii Mervi Kunnasranta sanoi WWF:le, gu se vikse oli kumpuičendu n’orpien armahas virundukives.

Norppalivessä evärysy – köllöttelykivestä käytiin kovaa kamppailua kahden norpan välillä

Uusimmat uutiset puhelimeesi

Lataa Yle.fi-sovellus