Päivännouzu-Suomen yliopisto ohjai omii valdivonavustuksii Karjalan kielen seurale monien vuozien aijan – Rehtoru: finansiiruičendu ei mennyh viäräh

Opastus- da kul’tuuruministerstvan allettu valdivonavustustarkastus Karjalan kielen seuran ruandas roih valmis vikse lähiaigua.

Yle Uudizet karjalakse
Jukka Mönkkönen, Itä-Suomen yliopiston rehtori
Päivännouzu-Suomen yliopiston rehtoru Jukka Mönkkönen.Sami Takkinen / Yle

Päivännouzu-Suomen yliopisto ei planiiruiče panna käymäh erillisty sellitysty Karjalan kielen seuran suavus rahoitukses vuozinnu 2013–2016.

Yliopisto ohjasi opetusministeriöltä saamaansa rahoitusta ortodoksisen kirkon arkkipiispa Leon vetämälle Karjalan kielen seuralle.

Päivännouzu-Suomen yliopiston rehtoru Jukka Mönkkönen sanou, gu muvvollizesti dielot on luajittu muga, kui on sovittu.

– Yliopistol on finansiiruičendan järjestelys sobimus, kudaman liittehenny on pluanu dengoin käytändäh näh. Karjalan kielen seuru on sežo työndänyh yliopistole vuvvennu 2017 raportan sit, mih rahoitus käytettih, nenga sanou Mönkkönen.

Mönkkönen ei tahtonuh avata raportan syväindyö Ylele tarkistamattah sidä, voibigo häi luadie sen rikkomattah tiedovardoičuszakonua.

Seuran luadu käyttiä avustuksii kiinnittäy ministerstvan mieldy

Opastus- da kul’tuuruministerstvu jo pakkaskuul pani käymäh valdivonavustustarkastuksen Karjalan kielen seuran talovuonpiendäs. Tarkastus koskou seičendy eri valdivonavustustu, kuduat on annettu yliopiston kauti suavun rahoituksen jälles vuozinnu 2017–2019.

Pagin on kaikkiedah 565 000 euron suuruzes avustukses. Suurin vuitti avustukses, 500 000 euruo, on opastus- da kul’tuuruministerstvan annettuloi eričysavustuksii karjalan kielen elvytysprogramman käymäh panendah da todevuttamizeh niškoi.

Sen ližäkse tarkastettavinnu ollah Taijon eistämiskeskuksen ruanduavustukset kul’tuurutoimindah niškoi.

– Tarkastus zavodiihes yhtevyönotandoin periä, kudamii tuli mulloi Rastavan aigua, nenga sanou opastus- da kul’tuuruministerstvan tarkastuspiälikkö Sami Salonen.

Tarkastus opitah luadie loppussah mahton mugah teriämbäh.

Karjalan kielen seuran talovuon ebäselgiet dielot tuldih nägövih mennyt nedälil pyhänpiän jullatus verkokirjutukses Long Playn artikkelissa(siirryt toizeh palveluh) (siirryt toiseen palveluun).

Itä-Suomen yliopisto ohjasi valtionavustuksiaan Karjalan kielen seuralle useiden vuosien ajan – Rehtori: rahoitus hoidettiin asianmukaisesti