1. yle.fi
  2. Uutiset

Pohjas-Karjalah on annettu ilveslubua läs kahtu kerdua enämbi

Suomen riistukeskus on andanuh muakundah poikkevusluvat 30 ilveksen ammundah.

Yle Uudizet karjalakse
Ilves lumessa
Luonnonvarakeskuksen arvivon mugah muakunnas eläy enne mečästyskavven alguu nenga 220–235 aiguhistu ilvesty. Kuvituskuva.Ismo Pekkarinen / AOP

Tänä talven Pohjas-Karjalas ruvetah mečästämäh ilvesty endisty enäm.

Suomen riistukeskus on andanuh muakundah poikkevusluvat 30 ilveksen ammundah. Iellizel mečästyskavvel lubua oli 18.

Lubien miäry on suurennuh ilveskannan liženemizen täh.

Luonnonvarakeskuksen arvivon mugah Pohjas-Karjalas eläy enne mečästyskavven alguu nenga 220–235 aiguhistu ilvesty.

Kanduarvivo on nossuh iellizes vuvves selgiehgi. Silloi arvivoittih, gu muakunnas on 155–175 ilvesty.

Arvivo ilveksien miäräs pohjavuu pedoyhtyshengilölöin tarkastettuloih da kirjattuloih kačondoih. Mullozen arvivon mugah Pohjas-Karjalan alovehel liikui 37–39 ilveksen poigovehtu.

Ilveksen mečästyskauzi algau talvikuun allus da lopeh tuhukuun lopus 2021.

Pohjois-Karjalaan myönnetty ilveslupia melkein tuplasti

Lue seuraavaksi