1. yle.fi
  2. Uutiset

5G-verko on tulemas Pohjas- da Päivännouzu-Suomeh – Ylehizekse roinnuh loittoruado painau verkoloi aijembua enämbäl

DNA:n da Telian yhtehine yritys azuu 5G-verkuo samazile alovehile, kus nygöi yhtivölöil on 4G-verko.

Yle Uudizet karjalakse
Mies ja tietokone.
Poikkevusolot ollah ravendettu matkutelefonverkoloin käyttyö endisty enämbäl da ozutettu, gu hyvin ruadajii yhtevyksii tarvitah. Arhiivukuva.AOP

Suomen Yhteisverkko da Nokia ruvetah luadimah Pohjas- da Päivännouzu-Suomeh uuttu 5G-verkuo. Kolmevuodine luajinduprojektu pannah rattahile alguvuvves 2021. Verkuo otetah käyttöh astehittai sen mugah, kui sidä varustetah.

Klijentale uuzi 5G-verko tarkoittau teriämbästy da varmembua internet-yhtevytty. Suomen Yhteisverkko Oy on DNA Oyj:n da Telia Finland Oyj:n yhtehizes omistukses olii yhtivö.

Suurembat linnat, kudamien alovehele azutah 5G-verko, ollah ezimerkikse Jovensuu, Kajuani, Lappeenrandu da Rovaniemi.

– Päivännouzu- da Pohjas-Suomes on äijy harvazeh eloitettuu alovehtu, kunne tarkoituksennu on enne kaikkie keskittyö. 5G tulou kaikkih niilöih kohtih, kus meil nygöi on 4G-verko. Hyvin ruadajat yhtevyöt ollah se eloinehto, tahtonemmo, gu Suomen joga čural eläs rahvastu da heil olis mahtuo loittoruadoh, nenga sanou Suomen Yhteisverkko Oy:n toimitusjohtai Antti Jokinen.

Ezimerkikse Mikkelin da Kuopion keskilinnat ei olla keräl täs ruavos, sendäh gu DNA da Telia azutah niilöih omii verkoloi.

Tämän vuvven poikkevusolot koronaviirusan täh ollah ravendettu matkutelefonverkoloin käyttyö endisty enämbäl da ozutettu, gu hyvii loittoruadoyhtevyksii tarvitah.

Suomen Yhteisverkon mugah uvven 5G-verkon kestävys on äijiä parembi, migu vahnal verkol. Muutoksen luajittuu alovehen 4G-verkon kestävys sežo liženöy selgiehgi.

5G-verkko tekee tuloaan Pohjois- ja Itä-Suomeen – Yleistynyt etätyö kuormittaa verkkoja aiempaa enemmän

Lue seuraavaksi