1. yle.fi
  2. Uutiset

Riäpöi da kuha ollah tärgiembät sualiskalat – kaupallizet kalaniekat puaksumbah jätetäh pyvvyksih mugasanottuu lykättäviä kalua

Ezimerkikse särgii jälgivuozinnu on ruvettu suamah enämbi.

Yle Uudizet karjalakse
Ammattikalastaja Antti Kyllönen nostaa kalasaalista.
Nygöi läs kai kalat päitäh suadavakse paiči hienuo särgii.Timo Sihvonen / Yle

Riäpöi on iellehgi miärällizesti tärgevin kala Kainuus da Pohjas-Pohjanmual.

Luonnonvarakeskuksen (Luke) mugah mulloi kaupallizet kalaniekat suadih Kainuun da Pohjas-Pohjanmuan vezistös kaikkiedah läs 230 000 kiluo riäpöidy. Kuha oli toizel sijal da sidä suadih enäm 160 000 kiluo.

Luken mugah kuhua kalastettih vie enämbi, migu jälgivuozinnu, konzu sidä oli suadu rekordumiärät. Nygöi kuha olis enzimästy kerdua syväinvezien tärgevin kalaluadu, emmo ottane huomavoh riäpöin mähändän arvuo.

– Kuha on kaupallizih kalaniekkoih niškoi pättävy kala, sendäh gu sidä myvves voit suaja äijän dengua, kestetänneh kannat kalastandan da roinnou sille kyzyndiä, nenga sanou Luken yliaktuaru Mika Rahikainen.

Kolmandel sijal oli särgi da sidä suadih sualehekse 83 000 kiluo. Rahikaizen mugah moizien kaloin kaupalline suamine, kudamat enne mendih lykättäväkse, algoi nägyö sežo statistiekasgi. Nenga särgisualis on olluh nouzemas jo mulloi dai enne mullostugi.

– Taga-alal on mugasanottu hoidokalastandu, konzu särgikaloin iärestämäl on opittu suavuttua kalaston tazapaino enämbäl pedokalavaldazekse. Sen ližäkse kuluttajat ollah löytty endizis mugasanottulois iäreslykättävis kalois luajitut tuottehet. Net roittih mieldy myöte da niilöis rodih tervehellizen lähisyömizen brendu.

Kaikkiedah kaupallizet kalaniekat mulloi suadih sualehekse Kainuus da Pohjas-Pohjanmual läs 680 000 kiluo kalua.

Muikku ja kuha tärkeimmät saaliskalat – kaupallisten kalastajien pyydyksiin jää yhä useammin myös niin kutsuttua roskakalaa

Lue seuraavaksi