1. yle.fi
  2. Uutiset

Kitanhändypačas azetti mereh pakkujan metropojiezdan Hollandies – kačo dramuattizet kuvat

Pojiezdas oli vaigu mašinistu, kudai ei sattavunnuh, da sit passibot paččahale.

Yle Uudizet karjalakse
Metron ensimmäinen vaunu roikkuu puoliksi sillan ulkopuolella.
Lennokkikameral otettu kuva. De Akkersan metroazemu Hollandien Spijkenisses 2. kylmykuudu.Robin Utrecht / EPA

Hollandies metropojiezdu pakkunus mereh, gu ei puuttunus kitanhändypaččahan varah.

Ozattomus rodih aijoi ezmässargen Spijkenissen linnan azemal Rotterdaman suvičural. Jälgimäzel azemal pojiezdu ajoi raiživoloin piäs olijoin estielöin läbi, ga azetui paččahan hännän varah.

Ozattomuon aigua pojiezdas oli vaigu mašinistu, kudai ei sattavunnuh, da sit passibot paččahale. Vestoksen nimi on juuri täh priiččah pättävy: ”Kitanhännän pellastettu”.

Virguniekat tutkitah, mindäh ozattomus rodih, da mašinistua pagizutellah.

Metron ensimmäinen vaunu roikkuu puoliksi sillan ulkopuolella.
Metropojiezdu jäi rippumah paččahan hännän varah De Akkersan metroazemal, Spijkenisses, Hollandies. Robin Utrecht / EPA

Myöhembä ezmässargen virguniekoile pidi ajua iäres kaččelijat dramuattizen ozattomuskohtan lähälpäi koronarajoituksien täh. Pojiezdu ripui ehtäčel vie hännän varas, sendäh gu specialistat mietittih, kuibo se suadas siepäi turvallizesti alah.

– Se ei ole ihan kebjei dielo, sanoi paikallizen turvalližusvirguniekan tiijoittai Carly Gorter AP-uudistoimistole.

Valaanpyrstöpatsas pysäytti mereen syöksyvän metrovaunun Hollannissa – dramaattiset kuvat

Lue seuraavaksi