1. yle.fi
  2. Uutiset

Pienien lapsien digilaittehien käyttyö tutkitah Pohjanmual da Uvvelmual

Jyväskylän yliopisto sellittäy, kui 2–6-vuodizet lapset käytetäh laittehii omassah jogapäiväzes elokses.

Yle Uudizet karjalakse
Lapsen kädet pitelevät tablettia.
Kanzoinvälizes pienien lapsien digilaittehii kaččelijas tutkimusprojektas keräl on enäm kahtukymmendy Aazien da Euroupan muadu. Kuvituskuva.Lucas Holm / Yle

Jyväskylän yliopisto tutkiu pienien lapsien digilaittehien käyttyö Pohjanmual da Uvvelmual. Tutkimus on vuitti suurembua kanzoinvälisty tutkimustu.

Roindua myötego diginatiivu -tutkimukses sellitetäh, mittumih tarkoituksih niškoi da kui äijän 2–6-vuodizet lapset muan eri čuril käytetäh digilaittehii.

Pohjanmuan kunnis keräl ollah Vaasa, Kokkola, Mualahti, Närpiö da Pedersöre. Uvvelmualpäi tutkimukseh ottau ozua 14 kundua, kudamien luvus ollah Helsingi, Espoo, Vantua, Kerava, Sipoo, Järvenpiä, Tuusula da Hyvinkiä.

Muamoloin da tuattoloin joukko kučutah internet-kyzelyh aigazen kazvatuksen kauti.

Vahnembat voijah sanella kyzelys iččeh kogemuksii laittehien käytön tärgevyöh dai omassah huolevundah näh. Tulokset voidas avvuttua tunnistamah laittehien käytön hyvii da pahoi puolii.

Nygöi materjualua kerätäh tostu kerdua samazis kunnis. Kyzely piettih sežo mulloigi.

Tänä vuon suuren kiinnostuksen objektannu ollah korona-aijan vaikutukset laittehien käyttöharjavundah.

Vastavuksien pohjal sežo verdaillah digitualistu jogapäivästy elostu suomelazis da aazielazis perehis.

Lue seuraavaksi