1. yle.fi
  2. Uutiset

Tossargen mua kodvazekse muuttuu päivännouzučuras valgiekse – nellänpiän Suomen keskiozis lundu panou jo kymmene santimetrii

Madalat painehet tuvvah lumenke kovua tuuldugi.

Yle Uudizet karjalakse
Ensilumi satoi Äkäslompolossa Kolarissa 17. lokakuuta.
Enzimästy lundu pani Äkäslompolos Kolaris 17. ligakuudu. Aku Häyrynen / Lehtikuva

Ezmässarren da tossarren väline yö roih tuuline da vedine kogo muas, ga tossargen päivän aloh vihmat muututah päivännouzučuras lumenpanokse ilman vilustujes.

– Tossargen lumenpanot tullah Pohjas-Karjalaspäi Koillismuale. Lundu kerdyy kahtes kolmeh santimetrih sah, nenga sanou Ylen meteoroulogu Nina Karusto.

Hänen mugah lämbötilat pyöritäh nol’an mail, sendäh erähis kohtis voibi röčätä da lumi sulau terväh. Päivännouzu-Lappih sežo panou ližiä lundu.

Kolmanpiän madal paineh tuou keräl ližiä röččiä, vihmua libo lundu.

– Lämbötila on nol’an yläpuolel da vihmuu muga äijäl, ga se kai sulattau lumet vähimyölleh Pohjas-Karjalas.

Nellänpiän Suomen yli myös kulgou päivännouzučuraspäi lähenii madal paineh, kudai tuou keräl vihmua libo röččiä. Konzu madal paineh siirdyy päivännouzučurah, pohjazespäi virduau sen sijale viluu ilmua da muan keskiozis panou lundu.

– Suomen keskiozis lundu voibi panna kai kymmeniezen santimetrii. Lumiraja menöy Pohjanmualpäi Kainuuh da Koillismuale, nenga ennustau Karusto.

Maa muuttuu tiistaina idässä hetkeksi valkeaksi – torstaina Suomen keskiosia peittää jo kymmenen sentin lumipeite

Lue seuraavaksi