1. yle.fi
  2. Uutiset

Saamelazien dieloloin nevvottelendupäivät pandih rattahile

Nevvottelendupäivät ollah oigevusministerstvan da Saamelazien suvvon koordiniiruittavat da net pietäh nygöi jo kuvvenden kerran.

Yle Uudizet karjalakse
Suomen saamelaisalue kartalla.
16.–17. kylmykuudu piettävät nevvottelendupäivät täl kerdua organizuijah loittoyhtevyksien vuoh.Renja Nurmi / Yle

Saamelazien dieloloin nevvottelendupäivät ollah parahite menemäs. 16.–17. kylmykuudu piettävät nevvottelendupäivät täl kerdua organizuijah loittoyhtevyksien vuoh.

Joga vuottu piettävien nevvottelendupäivien tarkoituksennu on paista aijankohtazih saamelazien dieloloih näh ministerstvan virguniekoin da Saamelazien suvvon evustajien kel. Tänä vuon nevvottelendupäivien aigua tiemoinnu ollah kandurahvahien oigevuksien toimehpanendu Suomes sego tilandehkačahtus saamelazien kieldy da kul’tuurua koskijoih miärydengoih näh.

Pagin on enne kaikkie kul’tuurupalvelulois da keskuksien finansiiruičendas, saamelazien eloikeinoharjoittajien socialiturvan kehitändäs sego saamenkielizis da kul’tuurumugahizis mielentervehyspalvelulois.

Nevvottelendupäivät ollah oigevusministerstvan da Saamelazien suvvon koordiniiruittavat da net pietäh nygöi kuvvenden kerran.

Saamelaisasioiden neuvottelupäivät käynnistyivät

Lue seuraavaksi