Koe uusi yle.fi

Pitsa on ehoitettu Suomen kanzallizekse syömizekse, ga pizza ei – ”Duumaičen, gu sih näh roih vie paginua”

Sud’d’uliston ozanottajan mieles pizza on italielazien oma syömine, ga pitsa pädöy Suomengi kanzallizekse syömizekse.

Yle Uudizet karjalakse
Pizza.
Pitsan ližäkse on ehoitettu ezimerkikse maksupastos, karjalanpäččiliha, rugehine leiby da hapainmaido.Tiia Korhonen / Yle

Iänestys Suomen uuuzis kanzallizis syömizis algavui ezmässargen. Kahtestostu finalistas enimite paginua rodih pitsah näh. Valličussud’d’ulistos olijale Lasse Lehtizele pitsan puuttumine suomelazih syömizih oli vuottamatoi dielo.

Enimät sud’d’uliston parahat keittäjät oldih pitsan puoles. Se on yleismuailmalline syömine, ga ližäkse vie Suomes sidä suvaijah ylen äijäl.

Yhtelläh sud’d’ulistol oli yksi ehto pitsan hyväksymizele: kui sidä kirjutetah. Lehtinen ehoitti muga: pizza kahtel z-kirjaimel on italielazien oma syömine, ga pitsa pädöy suomelaziengi kanzallizekse syömizekse.

Kielitoimisto hyväksyy mollembat kirjutustavat, ga tahtonet tarkistua, pädöygo tämä liinii kaikile, voit kävvä tänne: vaikka tarkistamassa nettikeskusteluja aiheesta (siirryt toiseen palveluun).

Duumaičen, gu täs roih vie paginua medies da socializes medies. Sud’d’ulistuo čakatah dai vikse koiritahgi, murraldau Lehtinen.

Karjalanpäččiliha oli heimosyömizien poikkevuksennu

Pitsan ližäkse on ehoitettu hernehrokku, rugehine leiby, mämmi, kalarokku, hapainmaido, šipainiekat, must’oipiirai, žuaritut mujehet libo salakku kartohkanke, karjalanpäččiliha, gruavikala da maksupastos.

Sud’d’uliston ozanottai Lasse Lehtinen avai vallittuloin syömizien luvettelon Yle Kuopio radivolähetykses ezmässargen. Kuopiospäi rodužin olijua Lehtisty čakattih ezmäzikse sendäh, gu finalistoin joukos ei ole kalakurniekkua.

Heimosyömizet kerättih sežo miinusčökkehii. Karjalanpäččiliha eruou sit, gu nygöi sidä syvväh Suomen eri puolil argipäivinnygi, sellitteli häi.

Sud’d’ulistuo čakatah dai vikse koiritahgi.

Lasse Lehtinen

Maksupastostu Lehtinen puolisti sanojen, što tämä on kaikis suvaittavin suomelaine eineh. Se on moine syömine, kudai on omin kazin luajitunnu magevin.

Gu vai luadinet maksupastoksen ezimerkikse hirvenvazan maksas da panet riisun sijah ozrua, sit syöt buolusurvoteksenke, se vaste on magevin syömine, mavusteli Lehtinen.

Kanzalline syömine vallitah äänestyksessä, joka jatkuu 5.12. asti (siirryt toiseen palveluun). Voittai tiijustetah iččenäžyspäivän pruazniekkuvuvvennu, 19.1.2017.

Kanzallizien syömizien projektan tagan ollah Suomelazen syömiskul’tuuran eistämisfondu ELO, Mua, - da meččytalovustuottajien keskusliitto MTK sego Mua- da meččytalovusministerstvu.

Luve sežo

Pitsa on ehdolla Suomen kansallisruoaksi, pizza ei – "Luulen, että tästä tulee kiivasta keskustelua"

Osa artikkelin sisällöstä ei ole välttämättä saavutettavissa esimerkiksi ruudunlukuohjelmalla.