yle.fi-etusivu

Pelle-pöllättelyy on jo Päivännouzu-Suomesgi – lapsii pöllätelläh kai veičil

Policii on pagizutelluh erähii varaittavikse pelle-klounoikse šuorivunnuzii pöllättelijöi. Erähät lapsien pöllättelijät ičegi vie ollah lapset.

Yle Uudizet karjalakse
Pelle
AOP

Rahvastu pöllättelijöis pellielöis tiijustettih mennyt nedälil kaikkiel Päivännouzu-Suomes. Lyhyös aijas policiele on työtty pellielöis läs kolmiekymmendy ilmoitustu.

– Tämä paha ruado on pandu käymäh tiägi, sanou ylikomissuaru Harri-Pekka Pohjalainen Päivännouzu-Suomen policiespäi.

Pelliet ollah pöllätelty ristikanzoi keppilöil, kirvehil, veičil da kai elektropiloil.

Ylen puaksuh pellielöikse sellinnyöt ollah pöllätelty lapsii. Policien tiedoloin mugah erähät lapset kai varatah nygöi mennä pihale libo jiäjä yksin kodih.

– Täs voibi roita pitkyaigastu vaikutustu nämmih pölläteltylöih lapsih, tovendau ylikomissuaru Harri-Pekka Pohjalainen.

Nengozes pahas ruavos voibi suaja suurdu štruaffuu. Tylgiembis dielolois voibi puuttuo tyrmähgi.

Policies sanellah, gu erähät pöllättelijät on otettu kiinni. Heidy on pagizuteltu da viedy kodih. Pal’l’astunnou pellien sobien al alaigähine, sit policii ottau yhtevytty sen vahnembih da sen jälles voibi tulla lapsienvardoičusilmoitusgi.

Pöllättely voibi loppiekseh pahoi ičel pellielgi, konzu vai kentahto omua iččie vardoijen lyöy sidä oččah.

Luve sežo

Pelleuhkailusta tullut vakava ilmiö nopeasti myös Itä-Suomessa – lapsia pelotellaan jopa puukoilla