Koe uusi yle.fi

Ven’alazet delegaciet kieldävytäh tulemas Suomeh – pöllätti Imatran kolmen hengen tapandu

Ven’alpäi Suomeh šuorivujat rahvas tahtottas ezmäi varmistua Suomen turvalližusdielot enne Suomeh tulendua. Ven’alazet paikallizet johtajat ollah pöllästyksis Imatran kolmen hengen tapandas, kudamah näh internetas on levinnyh viäriä tieduo.

Yle Uudizet karjalakse
Tiedotustilaisuus Pietarissa
Yle Jari Tanskanen

Mennyt nedälin lopul kolmen hengen tapandu Imatral on pöllätännyh ven’alazet matkuniekkujoukot. Rahvas ollah kieldävytty käymäs Imatral, sendäh gu ollah huolevuttu Imatran turvalližusdielolois.

Huolen vijannu vikse on Ven’al internetas levinnyöt viärät tiijot ammundutapahtukses. Viärien tiedoloin mugah tapetut naizet oldih ven’alazet. Tovelližuos tapettu oli kolme imatralastu (suomelastu) naistu.

Ihan rajan lähäl sijaiččii Imatru ruadau eriluadustu yhtesruaduo ven’alazienke. Yhtesruaduo on enimite lähäl olijoin Svetogorskan da Viiburin kel.

– Meile pidi huomei tossargen vastavuo ven’alazien paikallizien johtajienke da paista heijänke Vuoksen kalastus- da luondomatkailun kehittämizeh näh. Nämmis vastavundois gost’at ollah kieldävytty, sanelou Imatran linnanjohtai Pertti Lintunen.

Linnanjohtai Piiterih tottu pagizemah

Tänäpäi kolmanpiän Imatru da Lappeenrandu ollah Piiteris muun ližäkse ozuttamas paikallizile toimittajile, mittustu tapahtumua on tarittavannu Suvi-Karjalas Rastavan da Uvven vuvven pruazniekkan.

Allunperin Imatran linnanjohtai Pertti Lintunen ei planiiruinnuh matkua Piiterih. Yhtelläh häi tahtoi lähtie pagizemah tottu kolmen imatralazen naizen tapandas da sanelemah toimittajile Imatran turvalližusdielolois.

– Annan oigiedu tieduo dielolois, gu vai minul sidä kyzytänneh, sanou Lintunen.

Tänäpäi Lintunen vastavuu ven’alazien paikallizien johtajienke.

– Vastavun johtajienke eriže da pagizemmo kaikis dielolois silmy silmäl.

Viäriä tieduo Imatran surmis levii muailmal socializes medies, ezimerkikse Twitteras.

– Sie oli viäristetty tieduo ihan nareko, pahastuu Lintunen.

On tärgei olla paikal

Imatran linnanjohtajal Pertti Lintuzel on äijän vuvven kogemustu yhtesruavos ven’alazienke. Häi uskou, gu ruavon parahii taboi on ezimerkikse vastavundu ven’alazen medienke silmy silmäl.

– Ven’al vastavundu silmy silmäl on vältämätöi dielo. Ven’alaine on tundoperäine ristikanzu, sendäh paikal olendu on tärgei.

Lintuzen mugah socializes medies levinnytty viäriä tieduo pidäs ”oijendua” kui ičes socializes medies, mugai vastavundoin aigua.

– Midä teriämbi rahvas tiijustetah toven, sidä parembi. Olgah hos mittuine viäry tiedo, se pidäy muuttua oigiekse.

Lintustu ei kummastannuh se, što ven’alazet delegaciet kieldävyttih tulemas Suomes.

– Heile on annettu moine ohjavo, kudaman mugah ruatah: ollou ebäilysty matkan turvalližuos, sit turvalližusdielot pidäy varmistua.

Lintunen uskou, gu suomelazien da ven’alazien yhtesruado iellehgi rubieu jatkumah putilleh.

– Nygöi astummo vai hyviä dorogua myöte. Mugai dielot roitah hyvät.

Luve sežo

Venäläisdelegaatiot peruvat vierailujaan Suomeen – Imatran kolmoissurma säikytti

Yle.fi-etusivulla juuri nyt:

Puolustusvoimat

"Yksittäistapauksia": Naissotilaat kokevat syrjintää ja häirintää puolustusvoimissa – silti he purevat hammasta ja ottavat kaiken vastaan

Urheilu

Norjalaiset romahtivat! Neljä suomalaisnaista jatkoon sprintissä

Kaamos

Kaamos alkoi tänään Nuorgamissa – jatkuu pitkälle tammikuuhun

Urheilu

Täyttä tykitystä koko loppuviikko! Tässä Ylen lähetysajat Rukalta