Video: Kävähtihgo Pullervo kameran edeh? Norppaliven tiähtie tahtottas nähtä sil samazel kivel uvvessah!

Mulloi kezäl rahvahale mieldy myöte roinnuh ižäččyn’orpu on jo nähty samazes kohtas tänä keviängi.

Yle Uudizet karjalakse
Uutisvideot: Norppa käväisi WWF:n Norppaliven luodolla
Uutisvideot: Norppa käväisi WWF:n Norppaliven luodolla

Vakkinaine libo toinah tuttugi n’orpu kävähtih WWF:n Norppaliven (siirryt toiseen palveluun) kameran edeh nellänpiän aijoi huondeksel. WWF:n tiijoittajan Joonas Fritzen mugah parahite opitah tiijustua, oligo se jo tuttu gost’u.

– Voin sanuo sen, gu Pullervuo nähtih alovehel sežo tänä keviängi. Tunnustua n’orpua voibi bokas olijoin kuvivoloin perustehel.

Mulloi kezäl kameran kačottavale kivele puaksumbah muidu kävyi ižäččyn’orpu, kuduale pandih nimi Pullervo. Norppaliven kameru nygöi on azetettu samazele luvvole, kus se oli vuozi tagaperingi.

Oraskuu on hyvä aigu nähtä n’orpua, sendäh gu net nostah randukivile vaihtamah karvua. Muite n’orpat ollah enimite vies.

Norppalive on WWF:n, Päivännouzu-Suomen yliopiston da luondokuvuajan Juha Taskizen yhtesruado. Norppaliven avul tahtotah sanella saimuann’orpan eloksentavois da elättilöin varavolois, ezimerkikse verkokalastukses Saimual.

Mulloi kameru keräi kaksi miljonua kaččojua. Tänä vuon Norppaliveh on käynyh puoli miljonua kaččojua.

– Norppaliven kačondah yhtyy arbuamattomus. Nikonzu et voi tiediä, midä roih, sanoi Ylen huondes-tv:s nellänpiän olluh Fritze.

Luve sežo

Video: Palasiko Pullervo kameran eteen? Norppaliven tähteä kaivataan tutulle luodolle