Uuzi kuvavusnevvo ozuttau ilmien kolmemiärähizesti – 3D-minuškua kehitetäh telefonan sobivutuksekse

3D-tehniekku andau mahtuo selfie-kuvavukseh, ilmien kohendamizeh, tukkien luaduloin testiiruičendah da sobien miäriämizeh.

Yle Uudizet karjalakse
Joensuulainen Ali Halim kuvattavana 3d-selfieen.
Kuvaus ja editointi: Janne Ahjopalo / Yle

Kolmemiärähižys tariččou uuttu mahtuo ezimerkikse minuškan luadimizeh. Ristikanzu voibi kaččuo iččie eri čurispäi kuvatunnu kiändelemäl valmistu 3D-kuvua.

Jovensuulaine Toivo Ylinampa on vastevai suannuh Jovensuun tiedopuuston liikehidejukilvas Luovasti euroja -palkindon.

Nygöi Ylinampa käyttäy vie minisistiemukamerua, kudual häi ottau objektas läs 600 kuvua. Valgientazo on mahton mugah yhtenjyttyine.

– Sen jälles serverat lugietah algoritmoin avul 3D-mallin. Kuvan luadimizeh menöy päivy, mi on tiettäväine ylen hätki, sanou Ylinampa.

Joensuulainen Ali Halim kuvattavana 3d-selfieen.
Opastui Ali Halim kuvattavannu.Janne Ahjopalo / Yle

Kuva valmehekse yhtes čuasus telefonan sobivutuksel?

Myöhembä kuvamiäriä pidäs vähendiä, gu ristikanzu vois ottua 3D-selfiedy omal telefonan kameral sobivutuksen avul.

– Serveran effektiivižyön ližiämine andas mahtuo minuškan varustamizeh yhtes čuasus.

Kolmemiärähižys on hyvä mahto ezimerkikse eriluaduzien tukkien luaduloin testiiruičendah da sobien miäriämizeh virtualizesti. Tehniekku tariččou sežo mahtuo ezimerkikse hibjutaudiloin tutkimukseh tervehyönhuollos.

– Olen kehittämäs 3D-mikroskoppua, kudual vois miärätä kazvaimen suuruttu, sanou Toivo Ylinampa.

Luve sežo

Uusi kuvaustapa näyttää kasvosi kolmiulotteisesti – 3d-selfietä kehitetään kännykkäsovellukseksi