Enämbiä et azetu kaččomah kondiedu Lieksas – azettumiskiellot pandu

Mašinoil ajajat azeteltihes kaččomah kondiedu da sendäh muile oli jygei ajua dorogal 73.

Yle Uudizet karjalakse
Karhuja pellolla Lieksassa.
Pekka Ovaskainen

Äijy kondiedu kävelöy Suomen eri čuris, sanelou Ylen uutinen. Vijannu sih ollah nälgy da kiimuaigu.

Kondiet kävväh syömäh Lieksan peldoloile Pohjas-Karjalas. Niidy azeteltihes kaččomah äijät mašinoil ajajat, mi on vaigevutannuh liikendehty.

– Rahvas tahtotah nähtä kondieloi da ottua niilöis kuvua. Dorogal oli jygiettävy ajua suurile gruuzumašinoile, sendäh gu mollembil puolil oli azetunnuttu mašinua, sanelou Lieksan riistanhoidoyhtistyksen toimindanohjuaju Matti Törrönen.

Muga ei voinnuh jatkuo. Policien käskys Ely-keskus on pannuh azettumiskieldomerkit läs kahten kilometrin matkale.

– Azettumiskieldomerkit ollah sie muga hätken, min vai pidänöy, sanou alovehesvastuaju Olli Meriläinen.

Karhu.
Emäččykondii pellol Lieksas.Pekka Ovaskainen

Kondiet ennegi ollah käydy syömäh Lieksan peldoloile keviäl. Tavan mugah net ollah kävelty alovehel kahten kevätnedälin aigua.

Dorogan 73 varres sijaiččii peldo on läs seiččemen kilometrin piäs Lieksaspäi Jovensuuhpäi. Riistanhoidoyhtistyksen toimindanohjuajan Matti Törrözen arvivon mugah kävelty sie ollah emäččykondii da sen poijat.

Kondieloih näh dorogan varres enzimäzenny saneli Lieksan Lehti.

Luve sežo

Uteliaat autoilijat pysähtyvät ihmettelemään karhuja Lieksassa – pysähtymiskieltomerkit asennettu