yle.fi-etusivu

Muailman kuivin elämätöi mua sai vihman – muutui kukkazien merekse

Atacaman elämättömäl mual vihmui, min periä oli zavodinnuhes suuri luonnonozutelmu.

Yle Uudizet karjalakse
Uutisvideot: Yllätyssade sai autiomaan kukkimaan
Uutisvideot: Yllätyssade sai autiomaan kukkimaan

Atacaman elämättömiä muadu Pohjas-Čilis sanotah Muan kuivimakse kohtakse, gu vai ei otetanne huomavoh pol’arnoloi alovehii.

Atacamas vihmuu keskimiärin kerran viijes libo seiččemes vuvves. Jälgimäine vihmu oli olluh vuvvennu 2015 da tuliedu vihmua vuotettih vaste monen vuvven peräs.

Täl nedälil Atacamas vuottamattah rubei vihmumah kui korvois kuadajen, sanelou BBC (siirryt toiseen palveluun).

Punaisia ja vlkoisia kukkia Atacamassa
Ruskiedu da valgiedu kukkastu Atacamas.Mario Ruiz / EPA

Elämättömäs muas on äijy kazviloin siemendy, kuduat voijah vuottua vihmua ylen hätken. Konzu vai luadiu vihman, kazvit terväzeh käytetäh sidä oman ičen hyväkse.

Keltaisia ja valkoisia kukkia tien vieressä
Keldastu da valgiedu kukkastu dorogan vieres.Mario Ruiz / EPA

Atacaman čuuruhizet rindehet ollah nygöi kui kukkien meri. Miljonat kukkazet čomendetah muadu.

Tutkijat ollah löytty Atacamas piäl 200 kazviloin luaduu, kuduat vihman jälles kerras ruvetah kukkimah da kuččumah pölyttäjii böbökkäzii. Böbökätgi käytetäh vihmusiädy oman ičen hyväkse.

Valkoisten kukkien meri ulottuu kaukaisuuteen Atacamassa. Taustalla vuoria.
Valgieloin kukkazien meri AtacamasMario Ruiz / EPA

Kirjavu luonnonozutelmu jatkuu vie erähän nedälin aigua. Se on kuččunuh Atacamah äijän matkuniekkua.

Kalifornies nähtih yhtenmoine kukkazien yllinkyllys vuvven algupuolel.

Luve sežo

Maailman kuivin autiomaa sai yllätyssateen – seurauksena valtava kukkameri