Elokuu lopeh vihmal – erähis kohtis vihmuu kui korvois kuadajen

Kolmanpiän vihmažembi siä roih Pohjas-Pohjanmual da Kainuus, nellänpiän muan suvičuris.

Yle Uudizet karjalakse
Vesisade.
Uula Kuvaja / Yle

Suures vuitis muadu elokuu lopeh vihmal. Tänäpäi kolmanpiän suurdu vihmua voibi vuottua Pohjas-Pohjanmuan da Kainuun alovehil.

Kolmanpiän huondeksel 9 aigah Pudasjärvel on miärätty 28,8 da Taivalkoskel 24,4 millimetrin vihmumiärät iellizen 12 čuasun aigua. Suurih vihmoih voijah yhtyö sežo tuulisviehkurit da jyryt.

keskiviikon sääkartta
Yle

Ylen meteorologan Joonas Koskelan mugah erähis kohtis vihmuo kaikkiedah voibi kai 50 millimetrii, sendäh gu alovehel liikui äijy muga sanottuu lentanjyttysty vihmua. Vihmumiärät voijah äijäl vaihtellakseh paikas rippujen.

Ilmutiijon laitos on vakustannuh suuris vihmois Taivalkoskel, Pudasjärvel da Kuusamos, sendäh gu sie voibi vihmuo kai piäl 50 mm. vuorokavves.

Pohjas-Suomes tänäpäi pastau päiväine, ehtäl povvistah da kajostah sežo päivänlaskupuoles algajen. Suves pilvižys on vaihtelii da erähis kohtis luadiu vihman. Lämmiä roih 16-20 astehtu.

Nellänpiän vihmuo voibi 10–30 millimetrii Suomen suvi- da keskičuris kohti päivännouzupuoldu liikkujas vihmualovehes. Lounas-Suomes ehtäl luadiu uuttu vihmua. Vihman täh lämmiä roih 15 astehen paikoil libo kai vähemgi. Päiväzenpastol lämmiä voibi olla vähästy enämbi.

Luve sežo

Elokuu päättyy sateisissa tunnelmissa, paikoin luvassa kovia sademääriä