Koe uusi yle.fi

HS: Päivännouzu-Suomen yliopisto hairahtih toizengi kerran – 17 ylimiärästy hengie otettih opastujakse

Helsingin Sanomien mugah Päivännouzu-Suomen yliopisto luadi valličenduhairavon toizengi kerran.

Yle Uudizet karjalakse
Itä-Suomen yliopiston liput liehuvat.
Raija Törrönen / UEF

Helsingin Sanomat (siirryt toiseen palveluun) sanelou, gu yliopistol on roinnuh valličenduhairavo sežo eričysopastajien valličendas. Lehten tiedoloin mugah 17 ylimiärästy pyrgijiä tiijusti hyväksymizeh näh.

Helsingin Sanomien mugah yliopisto hyväksyi opastujakse jogahizen ylimiäräzen viärin vallitukse roinnuon pyrgijän. Yliopistoh nygöi hyväksyttih kaikkiedah 57 eričysopastajakse pyrgijiä.

Päivännouzu-Suomen yliopiston opindo- da pyrgijänpalveluloin piälikkö Erja Widgrén-Sallinen lujendi hairavon. Hänen mugah haire nähtih vähästy myöhembä, migu kluasanopastajien kohtal.

Pagin on yhtenjyttyzes tallendushairavos, mittuine on olluh kluasanopastajien valličendas.

Kezäkuul Päivännouzu-Suomen yliopistoh petties hyväksyttih 71 ylimiärästy opastujua kluasanopastajanopastukseh Jovensuuh. Haire rodih sobivutuskoittehien perustehel vallittuloin pyrgijöin kohtal. Heidy vallitah Jovensuuh 32, ga tiedo hyväksymizeh näh lähti 103 pyrgijäle, kudamis 22 ehti ottua paikan vastah.

Tänäpäi Päivännouzu-Suomen yliopiston muutoksenluajindukomissii hylgäi hairavos vallitut kluasanopastajien oiguamispakičukset.

Kluasanopastajakse pyrginyöt, kudamien oiguamispakičukset yliopisto hylgäi tänäpäi, voijah žualuijakseh piätökses hallindo-oigevuoh.

Luve sežo

HS: Itä-Suomen yliopisto mokasi toisenkin kerran – 17 ylimääräistä otettiin opiskelijaksi