yle.fi-etusivu

Prezidental Sauli Niinistöl da hänen mučoil Jenni Haukiol roih lapsi

Prezidentan da hänen mučoin mugah lastu ollah vuotettu da toivottu jo hätken. Lapsi roih tuhukuul 2018.

Yle Uudizet karjalakse
Sauli Niinistö ja Jenni Haukio
AOP

Prezidentu da hänen mučoi vuotetah lastu. Täs dielos sanellah Tazavallan prezidentan kanslien tiijoittehes.

Prezidentan Sauli Niinistön da hänen mučoin Jenni Haukion lapsi roih tuhukuul 2018. Prezidentan pereh sanelou tiijoittehes, gu lastu ollah vuotettu da toivottu jo äijän vuottu.

– Nämmien vuozien aigua on olluh äijy midä jygiedygi. Sendäh kohtuon allus ozan rinnal on olluh sežo kudamidä varavuogi. Ga nygöi jo voimmo paista täh dieloh näh, sanotah prezidentu da hänen mučoi tiijoittehes.

Sauli Niinistö da Jenni Haukio kirjutettihes vuvvennu 2009. Tulii lapsi roih Haukiole enzimäine da Niinistöle kolmas.

Perehenližävys ei rubie vaikuttamah prezidentan ruadoh. Prezidentu da hänen mučoi ei kommentiiruija dieluo sidä enämbiä, midä on jo sanottu.

Pagin on enzimäzes kädehizes, kudai roih virrasolijal prezidental.

Tulien vuvven valličuksis Niinistö pyrgihes jatkokaudeh. Valličuksien enzimäine kierros organizuijah pakkaskuun lopul da mahtolline toine kierros tuhukuul.

Ližiä prezidentas da hänen mučois Elävässä arkistossa.

Luve sežo

Presidentti Sauli Niinistölle ja rouva Jenni Haukiolle syntyy vauva