Talvi tulou bauhujen – Meteoroulogu: Päivänlaskupuoleh da suveh 10 santimetrii lundu da ližäkse viluu tuuldu

Lähipäivät roitah äijiä vilumbat, migu tavan mugah. Pannou lundu, ga se jiäy sulamattah.

Yle Uudizet karjalakse
Säänurkka: Lumisateita leviää länteen keskiviikkona
Säänurkka: Lumisateita leviää länteen keskiviikkona

Täl nedälil talvi tulou sežo muan suvi- da päivänlaskupuoleh. Tänäpäi tossargen on vie poudu, ga jo kolmanpiän ehtäl Suomen päivänlaskupuoles algajen rubieu panemah lundu. Sen jälles lundu panou Suomen muisgi čuris.

Ylen meteoroulogan Kerttu Kotakorven mugah lundu panou da röččiäy suves da päivänlaskupuoles 10 santimetrii kolmanpiän da nellänpiän välizes yös algajen. Lumenpano jatkuu vie nellänpiän päivälgi.

– Puoleh yössäh Kokkola-Helsingi-akselin päivänlaskupuolel röččiäy libo panou lundu. Lumi da röččy čällätäh dorogatgi, sanou Kotakorpi.

Kolmanpiän lumenpanon ližäkse lujenou tuuligi. Ilmutiijon laitos varaittau (siirryt toiseen palveluun) kovas tuules merialovehel. Kotakorven mugah mua-alovehilgi tuuli voibi olla kai 14-17 metrii sekundas.

– Tuulen täh ilmu roih vie vilumbi.

Yhtelläh hänen mugah ennustehes on vähäine ebävarmuttugi lumenpanoh näh.

Tuliet päivät vilumbat, migu tavan mugah

Lähipäivinny roih keskimiärin viitty astehtu vilumbi, migu tavan mugah täl aigua pidäs olla. Huomei kolmanpiän lämbötila roih nol’an kohtal. Yölöil roih pakkastu kogo muas.

– Nellänpiän päiväl lämbötila muuttuu muan suvi- da päivänlaskupuoles pl’usan puoleh da muijal muas pakastah.

Pannou lundu nellänpiän, se ei kerras sula, sendäh gu päivälgi lämbötila roih lähembi nol’ua.

– Et olle vie vaihtanuh mašinan kezärengahat talvirengahih, se maksau luadie nygöi, sanou Kotakorpi.

Luve sežo

Talvi tulee rytinällä – Meteorologi: Länteen ja etelään 10 senttiä lunta ja päälle hyytävää tuulta