yle.fi-etusivu

Ket oldaneh suadu enämbän tuluo? – Kačo tiä Pohjas-Karjalan bohatembat

Ket oldaneh Pohjas-Karjalan vuvven 2016 bohatembat? Kačo tiä!

Yle Uudizet karjalakse
Marita Hokkanen, Arto Hartikainen ja Eero Broman.
Yle

Päivännouzu-Suomen yliopiston alazen Normališkolan gimnuazien rehtoru Marita Hokkanen oli Pohjas-Karjalan vuvven 2016 rikkahin. Hänen tuakse jiädih suuritulozembien luvettelos vuozi toine toizen jälles piäsijoil olijat Laakkonen-konsernan da Broman Groupan johtajat. Toizennu luvettelos on autotalon Hartikaizen toimitusjohtai Arto Hartikainen da kolmandennu Broman Groupan varatoimitusjohtai Eero Broman.

Suurin palku oli Medisizen endizel zavodan johtajal Keijo Riuttalal. Häi sai kaikkiedah piäl 465 000 euron, kudamis maksoi veruo 52,5 procentua.

Kačo kai Pohjas-Karjalan verotiijot Ylen verokonehes tiä.

Ketbo hyö ollah?

1. Marita Hokkanen. Tulot kaikkiedah 2 760 295 euruo (ruadotulo 72 395 euruo, piäomatulo 2 687 899 euruo).

Marita Hokkanen
Marita HokkanenItä-Suomen yliopisto

Marita Hokkanen on ruadanuh Jovensuun normališkolan rehtorannu 12 vuottu. Enne rehtoran ruaduo häi oli školan muamankielen da kirjalližuon opastajannu. Vuvven 2015 kezäl Hokkanen möi enäm 20 vuottu tagaperin ostetut perehyrityksen Betonimestarin ozakkehet. Yritys varustau betonuelementoi. Kanzoinvälizesti tundiettu yritys ruadau Kuopion da Iisalmen čuras. Sie ruadau sadoi ristikanzoi.

2. Arto Hartikainen. Tulot kaikkiedah 2 421 499 euruo (ruadotulo 80 607 euruo, piäomatulo 2 340 892 euruo).

Arto Hartikainen
Yle

Arto Hartikainen on muarakendustu da autofirmutoimindua pidäjän E. Hartikainen Oy:n toimitusjohtai. Yrityksen perusti vuvvennu 1965 Arto Hartikaizen tuatto Ensio Hartikainen. Yritys zavodi ruandan muanrakenduksel, ga vuvvennu 1984 suurendi omua ruandua ližäten autokaupan. Vuvvennu 2005 yhtivös vaihtui sugupolvi, da Arto Hartikainen siirdyi johtoh. Nenga kaksi vuottu tagaperin Arto Hartikainen oli suurituloizin al 40-vuodine pohjaskarjalaine (siirryt toiseen palveluun) omil piäl 3,6 miljonan euron tuloloil.

3. Eero Broman. Tulot kaikkiedah 1 820 011 euruo (ruadotulo 144 673 euruo, piäomatulo 1 675 338 euruo).

Broman Groupin toimitusjohtaja Harri Broman (vas.), kauppaneuvos Väinö H. Broman ja hallituksen puheenjohtaja Eero Broman.
Broman Groupan toimitusjohtai Harri Broman (hur.), kauppunevvos Väinö H. Broman da halličuksen paginanjohtai Eero Broman.Jouki Väinämö / Yle

Eero Broman on Harri Bromanan nuorembi velli sego Broman Groupan perustannuon Väinö Bromanan poigu. Iče häi ruadau perehyrityksen halličuksen paginanjohtajannu. Yritys oli vuvven 2013 perehyritys Euroupas. Yritys perustettih vuvvennu 1965, konzu kauppunevvos Väinö H. Broman pani käymäh Jovensuuh mašinoi da varaozii myöjän firman. Nygöi Broman Group myöy mašinoin varaozua da muudu autotarvikehtu sego andau ruaduo enäm 1 500 hengele.

4. Harri Broman. Tulot kaikkiedah 1 670 576 euruo (ruadotulo 91 220, piäomatulo 1 579 356 euruo).

Harri Broman on Eero Bromanan veikko da Broman Groupan perustajan Väinö Bromanan poigu. Häi rubei ruadamah jovensuulazes perehyritykses jo nenga kaksikymmenvuodizennu nuorennu brihannu. Nygöi häi on kauppunevvos da konsernan toimitusjohtai.

5. Yrjö Laakkonen. Tulot kaikiedah 1 370 008 euruo (ruadotulo 53 245, piäomatulo 1 316 763 euruo).

Yrjö Laakkonen
Ari Haimakainen / Yle

Yrjö Laakkonen on jovensuulaine biznesmies, kudai ruadau eri aloil, ezimerkikse kirjupainoalal, autokaupas da kiindehistöčuras. Pohjas-Karjalas 74-vuodistu Laakkostu tietäh sežo suures mečästykses (siirryt toiseen palveluun) da sit, gu Yrjöl nikonzu ei rodei paha mieles kadehellizien paginoin täh.

6. Mika Hurskainen. Tulot kaikkiedah 1 291 652 euruo (ruadotulo 171 427, piäomatulo 1 120 225 euruo).

Mika Hurskainen on kondiilahtelaine yrittäi. Häi on yksi analiitiekkuyrityksen OlapConan perustajis. Jovensuulaine ohjelmistotaloi Arcucys osti OlapConan vuozi tagaperin. Hurskaizes rodih kauppoi myö Arcusysan vuittiniekku.

...8. Matti Naumanen. Tulot kaikkiedah 1 107 461 euruo (ruadotulo 28 477, piäomatulo 1 078 983 euruo).

Kauppias Matti Naumanen.
YLE / Veli-Pekka Hämäläinen

Matti Naumanen on jovensuulaine K-raudukauppumies. Häi on sežo Keskon halličukses. Naumanen Oy vikse kulgou tuatas poijale. Sen on perustannuh Matin tuatto Kauko. Matti da hänen poigu Olli levendettih ruandua Pohjas-Savoh.

...19. Kyösti Kakkonen. Tulot kaikkiedah 535 036 euruo (ruadotulo 63 770, piäomatulo 471 265 euruo).

Kyösti Kakkonen.
Kyösti KakkonenHeikki Haapalainen / Yle

Kyösti Kakkonen on jovensuulaislähtöizen huogehen laukkuverkon Tokmannin perustai. Händy tundietah innokkahannu taijon keriäjänny. Jo äijän vuvven aigua häi on ostanuh suomelastu desing-taiduo. Iččie häi sanou skuupakse ga on Suomen 130 bohatemban ristikanzan joukos. Kakkozen tulot ollah pienetty iellizes vuvves enäm miljonal eurol. Vuvvennu 2015 biznesmies sai kaikkiedah piäl 1,6 miljonan euron.

...21. Keijo Riuttala. Tulot kaikkiedah 472 743 euruo (ruadotulo 465 703, piäomatulo 7 040 euruo).

Keijo Riuttala aijemba ruadoi rohtuloin annostelijoi varustajan Medisizen Jovensuun zavodan johtajannu. Yrityskaupoinke Riuttala sai bonusan, kudai sellittäy hänen suuret tulot. Nygöi häi ruadau yrityksen Euroupan organizacies. Häi on yksi niilöis Pohjas-Karjalan menestyjis, kudai on zavodinnuh oman ruandan telefonankuorii valmistannuos Perlokses. Riuttala tuli Perlokseh ruadoh jo 1980-luvul.

Luve sežo

Tunnetko keitä tulokuninkaalliset ovat? – Katso täältä Pohjois-Karjalan kroisokset