Rastavankuuzi nouzi Kuopion toril – kellegi mieldy myöte da kellegi ei

”Čoma kuuzi, vie gu olis šuorei”, nenga sanottih äijät, ket astuttih siiriči libo tuldih kuustu kaččelemah.

Yle Uudizet karjalakse
Torikuusi Kuopion kauppatorilla.
Juha Vauhkonen / Yle

Kuuzi on myös Kuopion toril. Perindölline rastavankuuzi tuodih tossargen huondeksel Kettulanlahtespäi da pystytettih torile keskel päiviä suuren autonosturin vuoh.

85-vuodine kuuzi on 22 metrin korgevuttu da painau 2 200 kiluo. Äijile Yle Kuopion radivolähetykseh pagizuteltuloile siiričiastujile kuuzi rodih mieldy myöte. Erähät yhtelläh ruvettih sidä kritikuimah.

– Čoma kuuzi, vie gu olis šuorei. Toinah kuitahto vois kohendua, sanoldi tossargen yksi suuttunuh mies.

– Mulloi talvel kuuzi oli čomembi, tämä ei ole šuorei. Toizielpäi eihäi kai puut mečäs olla čomat da šuoriet, virki eräs naine.

Hos kuuzen muodo ei roinnuh kaikile mieldy myöte, yksi dielo oli kaikkien mieles hyvä: torikuuzi tuou tovellizen rastavanmielen da -duuhun.

– Kuuzi on paras rastavan merki. Da enimite sit, konzu on putilleh čomendettu. Ei pie nimittustu diskovalguo, roih kirkahis tuohuksis. Ei pie äijiä čomuttu, iče kuuzi on jo čomenduksennu, sanoi Kuopios gostis olluh espoulaine naine.

Vallot sytytetäh rastavanaijan avuajazis 25.11.

Torikuuzen ližäkse Kuopios pystytetäh tostukymmendy pienembiä rastavankuustu eri linnan čurih.

Luve sežo

Joulukuusi nousi Kuopion torille – ohikulkijoilta tuli heti palautetta