Sápmi |

1700 NRK bargi álggahit otne bargoheaitaga – váikkuha maid Suoma beale Sápmái

Yle Sámi kanálas ii gullo otne NRK Sámi veaigesátta dii 17 rájes.

Norjan yleisradioyhtiö NRK.
NRK Govva: Grethe Ulgjell / AOP

Norgga Journalistasearvi lea mearridan álggahit otne bargoheaitaga. Searvi lea ráđđádallan bargoaddiorganisašuvdna Spekteriin bálkáeavttuin, muhto dat eai leat beassan ovttaoaivilvuhtii. 1700 NRK bargi vázzilit olggos bargosajiin dii 14 Suoma áigge.

Bargoheaitta váikkuha NRK sáddagiidda ja muhtin muddui maid Yle Sámi kanála radiosáddagiidda. Otne ii gullo NRK Sámi veaigesátta Yle Sámi kanálas dii 17 - 18.30.

Davviriikalaš Ođđasat-sátta goittotge sáddejuvvo otne eahkes dii 22.35 Yle TV1-kanálas.

Loahppavahku oasil ii leat vel sihkkaris diehtu mo bargoheaitta váikkuha sáddagiidda, mat sáddejuvvojit maid Suoma bealde. Yle Sápmi muitala eanet áššis gaskavahku.

Ovddit háve NRK:s lei bargoheaitta jagis 2006.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä