Sápmi

2010-lohku nohká, mii bázii millii? – Guldal Yle Sámi veaigesáddaga jagi maŋimuš beaivve

sohkaršohkka
Yle Sámi radiolágideaddjit Xia Torikka ja Linda Tammela Govva: Vesa Toppari / Yle

Maŋŋebárgga, jagi maŋimuš beaivve 31.12. Yle Sámi veaigesáddagis diibmu 14-16 muitášit maŋimuš logijagi dáhpáhusaid.

Máilmmi mihtidanhistorjjá báhkkasamos logijahki nohká ođđasiin das, go Suoma Sámediggi lea dohkkehan duohtavuođa- ja soabadankommišuvnna evttohusa ja riikabeaiáirras Pirkka-Pekka Petelius lea átnon ándagassii sápmelaččain dološ sketsaidis.

Logijagi áigge sápmelaččat leat vuoitán TV-gilvvuid, nu mo Andte Gaup-Juuso Big Brothera Suomas ja Jon Henrik Fjällgren Talent-gilvvu Ruoŧas. 2010-lohku báhcá muitui maid Sámi servodatváikkuheamis, mas ovdamearkan Ellos Deatnu -lihkadus moratoriainis ja Gálloka dáhpáhusat.

Yle Sámi jagi maŋimuš radiosáddagis muitášit áiggi, goas telefuvnnas šattai jierbmetelefuvdna ja sosiála media devddii beivviideamet. Veaigesátta sáddejuvvo maŋŋebárgga 31.12. diibmu 14-16 ja dan jođiheaba Xia Torikka ja Linda Tammela.

Muital, mii dutnje lea báhcán buoremusat millii 2010-logus!

Diehtu boahtá doaimmahussii, go deaddilat "lähetä". Skovis ii boađe sierra almmuhus sáddejeaddjái, ahte diehtu lea sáddejuvvon.

Varrasamosat

Muualla Yle.fi:ssä