Sää´mjânnam |

Aainâs koolmâs haaʹlee saaʹmi ouddooumžen: Feodoroff, Fofonoff di Sanila nâânee Yle Sääʹmjânnma, što haaʹlee võboršeʹǩǩen

Yle Sääʹmjânnam teâđai mieʹldd tän eeʹjj vaalin lie aainâs kolmm haallsa ouddooumžen.

Kolttien luottamusmiesehdokkaat 2014: Veikko Feodoroff (vas.), Tanja Sanila ja Sergei KP Fofonoff.
Seämma oummu kook leʹjje võboršeʹǩǩen eeʹjj 2014 vaaʹlin haaʹlee eʹpet ouddooumžen. Veikko Feodoroff, Tanja Sanila di Sergei Kp. Fofonoff lie nâânääm Yle Sääʹmjânnma, što sij haaʹlee ouddooumžen. Govva: Sara Wesslin / Yle

Ni võl iʹlla mušttlum, ǩeäk lie võboršeʹǩǩen saaʹmi ouddoummuvaalin, håʹt võboršeʹǩǩpiijjmõs puuti mõõnni neäʹttlest.

Vaalpeiʹvv âlddan, leâša õinn feʹrttai vueʹrdded neäʹttel.

– Ââʹn mij leäʹp tuʹmmjam, što seärad čõhččmannu 13. peiʹvv lij mââimõs sååbbar, da teʹl mij õlmstâttet täk võboršeeʹǩǩ, mušttal Hanna-Maaria Kiprianoff.

Seämma oummu haaʹlee võboršeʹǩǩen še täin vaalin

Yle Sääʹmjânnam teâđai mieʹldd tän eeʹjj vaalin lie aainâs kolmm haallsa ouddooumžen: ânnʼjõž ouddooumaž Tanja Sanila, Veikko Feodoroff da Sergei Kp. Fofonoff lie nâânnam, što sij haaʹlee võboršeʹǩǩen täin vaalin.

Saaʹmi ouddooumaž lij juʹn tuâlljõž ääiʹj rääʹjest tuåimmam nuõrttsäʹmmlai jååʹđteei da viikkam sääʹmkulttuur ooudâs. Ouddooumaž va´lljeet juõǩǩ kuälmad eeʹjj.

Vaal-luʹvddkåʹdd ij ni võl teâđ, ǩeäin haalsain lie vaalânnsaž.

– Tõt lij nuʹt vaiggâdvuõtt tõin, ko tät lij kõskkrääʹjest täk ääʹšš da mij leäʹp võl ǩiõttʼtõõllmen tän ääʹšš pirr. Jeäʹp mij vueiʹt särnnad. Tõt lij tõn diõtt, što šâdd õhttverddsažvuõtt, särnn Kiprianoff.

Vaal-luʹvddkåʹdd õlmstâtt loopplaž võboršeʹǩǩmieʹr puõʹtti neäʹttlest såbbres mâŋŋa.

Varrasamosat: Sää´mjânnam

Váldoođđasat

Bivnnuhamosat

Varrasamosat

Muualla Yle.fi:ssä