Sápmi |

Aanaar markkân skeittiparkki vuoitij jienâstem tast, mon várás kieldâ ässeeh kiävtáččii 10 000 eurod

Aanaar kieldâ ässeeh ožžuu jo nube tove meridiđ mon várás 10 000 eurod kiävttoo. 74 jienáin jienâstem vuoitij Aanaar markkân skeittiparkki.

skeittilauta kädessä
Puátteevuođâst Aanaar markkânist piäsá skeittiluovdijn hárjuttâllâđ skeittiparkkist. Govva: Päivi Meritähti / Yle

Ive 2020 Aanaar kieldâ ässeeh ožžuu jo nube tove meridiđ mon várás 10 000 eurod kiävttoo. Jienah láá rekinistum já 74 jienáin jienâstem vuoitij Aanaar markkân skeittiparkki. Ađai tääl 10 000 eurod lii väridum Aanaar markkân skeittiparkki huksim várás.

Jienah pottii ohtsis 272. Oovce jienâd hilgojui, tast ko jienâsteijeeh iä lamaš Aanaar kieldâ ässeeh.

Nubben enâmustáá jienâid uážui iästuttemes lihâdemsaje huksim Avelân já taggaar olgolihâdempiergâsij uástim kieldân, moid puávtáččij laiguuttiđ.

Aanaar kieldâ pyereestvaijeem koordinaattor Verena Kortelainen muštâl, ete sij iä lah val meridâm kuás teikkâ kuus skeittiparkki huksejuvvoo.

– Luámui maŋa talle smiettâp taid aašijd. Mij lep ohtâvuođâst meid Aanaar kyláservijn talle.

Varrasamosat: Sápmi

Váldoođđasat

Varrasamosat

Muualla Yle.fi:ssä