Säämi |

Aanaar škovlâ rehtor Ilkka Korhonen álgá luuhâđ anarâškielâ

Čohčuv säämi máttááttâskuávdáást álgá ive puudâ maŋgâ, anarâškielâ škovliittâs. Ohtâ uáppein lii Ilkka Korhonen.

Ilkka Korhonen

 Säämi máttááttâskuávdáást álgá čohčuv anarâškielâ ive pištee škovliittâs. Occeeh lijjii tan ive paijeel kyehtlov. Ohtâ occein lii Ilkka Korhonen, Aanaar škovlâ rehtor. Pagost ko lii kuullâm kielâ, te lii mottoom sääni  iberdâm já mottoom ervidâm. Maiden kuursáid sun ij lah táássáš jottáám. Kielâ oppâm puáhtá sunjin uđđâ uáinuid jieijâs paargon. Sun puáhtá talle uáiniđ nubenáál já meid nubenáál juurdâašij aašijd.  

Ilkka Korhonen vuálgá ávusmieláin luuhâđ anarâškielâ. Sun ij mááti val ennuvkin kielâ..  

– Anarâškielâ lii Aanaar kuávlu kielâ já ko lam šoddâm Anarist te, tanen lâi hiälppu valjiđ eidu taan kielâ. Já ko škovlâ sattui val mudágávt älgiđ tääl čohčuv. Ij háittid jos máttááttijjee lii äŋgir, mut liävsuh váhá piejih smiettâđ, et mon ennuv kalga porgâđ päikkipargoid, muštâl Korhonen.

Iris Mäenpää máttáátteijen puátteen táálván Saakkin
Iiris Mäenpää

Máttáátteijen puáttee täälvi Säämi máttááttâskuávdáá  anarâškielâ luokkâst lii Iiris Mäenpää. Sun lii lam Aanaar škovlâ máttáátteijen tai iivijn.

Škovlâ álgá 14.8.2017. Ohtsis anarâškielâ älgih luuhâđ kyehtinubáloves. 

Varrasamosat: Säämi

Váldoođđasat

Varrasamosat

Muualla Yle.fi:ssä