Sää´mjânnam |

Aanrõš- da nuõrttsääʹmneezzan ǩeâštʼte tän eʹjjpeeiʹv Saaʹmi Grand Prixest

Saaʹmi Grand Prix -ǩeâstest kuulât tän eeʹjjest nuʹt livđe, ko še leeuʹd di rääʹǩǩesvuõttlaaul nuõrttsäämas.

Heli Aikio ja Anna Lumikivi kisaavat Sami Gran Priixssä.
Heli Aikio Aanrest da Anna Lumikivi Keväjääuʹrest lie eeʹjjpeeiʹv sueʹvet Saaʹmi Grand Prix lueʹv âʹlnn laaulmen da livđeʹmmen. Govva: Yle Sápmi

Eʹjjpeeiʹvin lij Kautoǩeäinest tän eeʹjj še sääʹmmusikk-ǩeâstt, Saaʹmi Grand prix.

Tän vuâra Lääʹddjânnam bieʹlnn Sääʹmmest vuässʼsâʹtte nuʹt nuõrttsääʹmǩiõllsa, ko še aanrõšǩiõllsaž musikkneeʹǩ. Aanrõš Heli Aikio da nuõrttsäʹmmlaž Hanna-Maaria Kiprianoff vuässʼsâʹtte juõiʹǥamǩeâʹstte da nuõrttsäʹmmlaž Anna Lumikivi pohtt jiijj raajjâm laaul Kautoǩeäinnu.

Aanarneǩ Heli Aikio vuässʼsââtt ǩeâst juõiʹǥamvueʹzzest jiijjâs raajjâm livđein, aanrõõžži musikkärʹbbvuâđin. Tät livđe mušttâl suu maaddârääkk, eeʹjj ääkkast.

Jákkum Vuoli Vuoli Ánná Máárjá leʹbe lueʹmmääkkast.

Aikio livđe ”Lyemeákku” vuäǯǯai aalǥ tõʹst, ko suu son lij leämmaž Saaʹmi musikkakatemiast looǥǥmen musiikk da täin mättʼtõõzzin son ooʒʒi jiijjâs sooǥǥ livđeid.

Tät eeʹǩǩ ǩeâstt lij Heli Aikiooʹje nuʹbb ǩerdd, ko son vuässââtt SGP-ǩeâʹstte. Son vuõiʹti SGRP laullamǩeâst eeʹjjest 2014 Aila-duo -jooukin.

Heli sahhiittâllâm Lyemeááhu livđe šoddâmist puáhtá kuullâđ tast.

Vuâssõõʹđi nuõrttsäʹmmlai jõnn prääzniǩeeʹjj cistten

Nuõrttsäʹmmlaž musikkneǩ Anna Lumikivi lij še juʹn valmštââttmen puõʹtti sueʹvetǩeâʹstte. Lumikivi laull "Mõõn tiõrvân" mušttal rääʹǩǩesvuõđ looppâst.

– Laaul leäm tuejjääm juʹn kueʹhtt eeʹjj mââiårra. Leäm tuejjääm jiõčč suõm da ǩeeʹrjtam saaʹnid tõõzz, jiõm-ǥa leäkku čuäʹjtam tän laulli ni koʹst.

Jiõčč ǩeâʹstte son vuäǯǯai idea nuõrttsäʹmmlai prääzniǩeeʹjjest. Tän eeʹjj son haalâd čuäʹjted še nuõrttsäʹmmlai musiikk Sääʹmjânnam šuurmõš musikkšõddmõõžžâst.

– Eman tän ǩiđđ mon juʹrddem, što leʹčči hääʹsǩ vuässʼsõõttâd tän Saaʹmi Grand Priʹxe da jeärben tõn diõtt ko lij nuõrttsäʹmmlai prääzniǩeeʹǩǩ. Haaʹleem, što tääiʹben SGP:st leʹčči jeänab nuõrttsäʹmmlaž musikk. De mon juʹrddem što mon vuäitam vuõltteed tiiǩ tõn muu laulli ja ǩiõččâd jos peässam mieʹldd, mušttal Lumikivi.

NRK Sápmi reâšš eʹjjpeeiʹvsueʹvet maaiʹlmveiddsaž internetjiõnstummuž. Jiõnstummša taarbšak jiijjâd tobdldõõǥǥ. Tän eeʹjjest vuäitt jiõnsted jiijj miõllsumõs laaul, juõiʹǥ, livđe da leeuʹd.

Obb Saaʹmi Gran Prix vuõltteet NRK Sääʹm internetseeiʹdin da NRK TV:st Lääʹddjânnam ääiʹj čiâss 19. Tän lââʹzzen kuulâk ǩeâst še radiost čiâss 17:30. Jiõntummuš tuåimmai vuõlttõõzz ääiʹj.

Lââʹzz teâđ SGP jiõntummuž pirr kaaunâk tääiʹben.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä