Sápmi |

Áhčči ja bárdni gilvaleaba Davviriikkalaš girjjálašvuođabálkkašumiin

Veikko Holmberg girji Duvro-guovža ja skohtermáđii lea nammaduvvon Davviriikkaid ráđi jagis 2015 mánáid- ja nuoraidgirjji bálkkašupmái. Bártnis Nillas Holmberg gilvala ges girjjálašvuođabálkkašumi luohkás.

Duvroguovža ja skohtermáđi
Veikko Holmberg gilvala mánáid- ja nuoraidgirjjálašvuođa bálkkášumis Govva: Davvi Girji

Veikko Holmberg girji Duvro-guovža ja skohtermáđii (2014) lea joatkkaoassi jagis 1995 almmuhuvvon Duvroguovža ja šibitdoaktára rehket-girjáiGirji lea nammaduvvon vuoitit jagi 2015 Davviriikkalaš mánáid- ja nuoraid girjjálašvuođabálkášumi.

Čálli Veikko Holmberg leaba ovttas sárguin Sissel Horndalain heivehan čállosa ja govaid oktii, mat ovttas muitalit muitalusa Duvro-guovžža ja su čivgga birra, geat ferteba báhtarit go olbmot bahkkejit sudno orohahkii.

Muitaleapmi čuovvu sámi árbevieruid

Davviriikkaid ráđđi ákkastalla nammadeami dainna, ahte girjji giella muittuha sámiid njálmmálaš árbevieru. Čálli geavaha sámegielat luonddunamahusaid, muhto girjji giella ii leat liikka moalkái.

Teavstta temá deattuhit Horndala lunddolaš govat, mat maiddái loktejit ja čiekŋudit muitalusa, ákkastallet Davviriikkaid ráđis. 

Davviriikkaid ráđđi vállje

Davviriikkaid ráđđi juohká jahkásaččat vihtta bálkášumi: girjjálašvuođa bálkkašumi, filbmabálkkašumi, musihkkabálkkašumi, luonddu- ja birasbálkkašumi ja jagi 2013 rájes mánáid- ja nuoraidbálkkašumi.

Bálkkašupmi lea 350 000 Dánmárkku ruvnnu (sullii 47 000 euro), ja dat juhkkojit Davviriikkaid ráđi jahkásaš čoahkkima oktavuođas.

Niillas Holmberg lea nammaduvvon vuoitit Davviriikkaid ráđi girjjálašvuođabálkkašumi  Amas amas amasmuvvat -diktačoakkáldagainis.

Varrasamosat: Sápmi

Váldoođđasat

Varrasamosat

Muualla Yle.fi:ssä